Til haqida sara sherlar to‘plami

Til haqida eng sara sherlar to‘plami kattalar va bolalar uchun. 21-oktabr O‘zbek tiliga davlat tili maqomi berilgan kun. Dunyoda har bir xalqning o’z tili uning bebaho boyligi, iftixori, najoti hisoblanadi. Hikmatli so’zlar, she’ru dostonlar, qo’shiqlar avvalo biror bir millatning ona tilida dunyoga keladi.

Til haqida sherlar to‘plami

Ona tilim — Orif To‘xtash

Ona tilim orif to‘xtash

Alla bo’lib qulog’imga kirgan tilim,
G’azal bo’lib sabog’imga inggan tilim.
Gullab-yashnab ko’z-ko’z etding jamolingni,
Dilim yayrar ko’rib yuksak kamolingni.

Bobur mirzo sog’inchida yig’ladingmu,
Amir Temur ag’yorlarin tig’ladingmu?
Ona tilim, boqiy tilim, jon tilim,
Yillar osha yashnab turgan xon tilim.

Seni asrab-ardoqlayin shirin so’zlab,
Xazinangga yo’l axtargum durlar izlab.
Ona tilim, go’zal tilim, jon tilim,
Har lutfida bir siri bor xon tilim.

Ustoz haqida sherlar to‘plami

Ona tilim o‘lmaydi — Erkin Vohidov

Ona tilim o‘lmaydi

Notiq dedi: «Taqdir shul,
Bu jahoniy iroda.
Tillar yo‘qolur butkul,
Bir til qolur dunyoda».

«Ey voiz, pastga tushgin,
Bu gap chiqdi qayerdan!»
Navoiy bilan Pushkin,
Turib keldi qabrdan.

Kim darg‘azab, Kim hayron,
Chiqib keldilar qator:
Dante, Shiller va Bayron,
Firdavsiy, Balzak, Tagor.

«Va’zingni qo‘y, birodar,
Sen aytganing bo‘lmaydi».
Barcha dedi barobar:
«Ona tilim o‘lmaydi».

— Hey, bu qanday aqida!
— Qo‘lida tabarruk jom,
Go‘zal forsiy haqida,
Ruboiy aytdi Xayyom.

Ehtirosli, otashdil,
Beranje so‘rdi nolon:
— Nahotki, farangi til
Yo‘qolgusi bir zamon!

Neruda, Lorka turdi,
Servantesning yoniga:
— Kim qasd etib tig‘ urdi,
Ona tilim joniga!

Fuzuliy yondi: — Ozar,
Tili guldek so‘lmaydi.
Barcha dedi barobar:
«Ona tilimo‘lmaydi».

Kamalakdek rango-rang,
Bo‘lsin deb san’at, tillar,
Asrlarcha qildik jang,
Armon qildik ming yillar.

Beqadr bo‘lsa, nahot,
Tillardagi tarovat!
Yo‘qoldi bu kun, hayhot,
Qabrlarda halovat!

«Faust» yondi gurillab,
«Xamsa» o‘tga tutashdi.
Bir sado jahon bo‘ylab
Taraldi, tog‘lar oshdi.

Bu sado yangrar hamon,
Sira ado bo‘lmaydi.
Olam aytar: Hech qachon,
Ona tilim o‘lmaydi!

Ona tilim — Abdulla Oripov

Abdulla Oripov ona tilim

Ming yillarkim bulbul kalomi,
O‘zgarmaydi, yaxlit hamisha.
Ammo sho‘rlik to‘tining holi,
O‘zgalarga taqlid hamisha.

Ona tilim, sen borsan, shaksiz,
Bulbul kuyin she’rga solaman.
Sen yo‘qolgan kuning, shubhasiz,
Men ham to‘ti bo‘lib qolaman!

Ona tilim — Iroda Umarova

Ona tilim iroda umarova

Ona tilim – yurak qatimdan,
Mehr bo‘lib sochilgan jarang.
Qulog‘imga go‘dak paytimdan,
Alla bo‘lib singigan ohang.

Ona tilim – necha asrlar,
Kurashida yenggan polvonim.
Necha ajdod, necha nasllar,
Suyib o‘tgan turkiy zabonim.

Ona tilim – do‘ppi kiygan So‘z,
Doim yangi yo‘lcha-atlasi.
Bir satriga tashlasangiz ko‘z,
Tovlanadi ming-ming qirrasi.

Ona tilim – asalchoy ta’mli,
Bulbultalqin, muhabbatsheva.
Lablarimga ko‘chirgum doim,
Talaffuzin men seva-seva.

Ona tilim – yurak qatimdan,
Mehr bo‘lib sochilgan jarang.
Qulog‘imga go‘dak paytimdan,
Alla bo‘lib singigan ohang!

Ona tilim — Muhammad Yusuf

Muhammad Yusuf ona tilim

Garchi zug‘um qilganlarni yoqtirmadim,
She’r yozdimu bo‘lak ishni qotirmadim.
Tilim turib o‘z tilimda gapirmadim,
Bir eslasam eziladi bag‘ri-dilim,
Ona tilim, kechir meni, ona tilim.

Onam «erkam» deb quchganda tunlar yarim,
Erkim yo‘q deb zirqirardi bir joylarim,
Parovozni hansiratgan bug‘doylarim,
Oltinlarim, ma’danlarim, ipaklarim,
Ona tilim, kechir meni, ona tilim.

Kimlar uchun biz edik bir badaviylar,
O‘zbekni qon qaqshatganni uzbek siylar,
Holimizni qon kuzatdi Yassaviylar,
Topganimiz handalakdek tilim-tilim,
Ona tilim, kechir meni, ona tilim.

Kimdir mayda millat bo‘ldi, kimdir katta,
Katta millat — Afandisi yo‘kdir hatto,
Biz piyoda, biz boqqanlar yurdi otda,
Zulm o‘tsa faqat sendan o‘tdi zulm,
Ona tilim, kechir meni, ona tilim.

Sen bo‘lmasang nima bizga sillik she’rlar,
Bu dunyoda tili yo‘kda dil yo‘q derlar,
Bahoing-ku berib ketgan Alisherlar,
Yuragimning to‘ridagi so‘lmas gulim,
Ona tilim, kechir meni, ona tilim.

Bir qarasam har shevangda ming jilolar
Har novdangda, har mevangda ming jilolar.
Qodiriylar, Cho‘lponlar-u, Abdullolar,
Sening qaytgan kuning men tug‘ilgan yilim,
Ona tilim, ey muqaddas Ona tilim.

Ona tilim — Xurshid Davron

Xurshid Davron ona tilim

Kelib ketdi necha dunyolar,
Kuldi hayot, yig‘ladi o‘lim.
Sen deb qurbon bo‘ldi bobolar,
Ular ketdi, sen qolding, tilim.

Belanchaging uzra Koshg‘ariy,
Kuylab o‘tdi qadim navoni.
Va navqiron yaproqlaringga,
Dil qonini berdi Navoiy.

Samarqanddan Bobur ketarkan,
Dilda bo‘g‘ib hasrat sasini,
Olib ketdi ona yurtidan,
Turkiy tilim, birgina seni.

Mashrabmas, sen osilding dorga,
Nodiramas, sensan so‘yilgan,
Hoziqningmas, sening, ey tilim,
Boshing ayru, ko‘zing o‘yilgan.

Ammo dushman o‘ldirgan botir,
Tirilgandek yana qasosga,
Mangu borsan va mangu qodir,
To‘ldirmoqqa yerni ovozga.

Vatan uchun baxsh etib jonni,
Kechib olov, kirib daryoga,
Farzandlaring to‘kkan har qonni,
Shimirding sen o‘xshab giyohga.

Ona tilim, omon bo‘l mangu,
Sen borsan-ki men ham o‘lmayman,
Tildan qolsam, seni Oybekday,
Men ko‘zlarim bilan so‘ylayman.

Ona tilimsan — H. Nuriy

Ona tilimsan

Navoiy g’azalin har bir satrida,
Nafosat, go’zallik sharh tilga xosdir.
Shunchalar qudrat bor so’zning atrida,
Har bir durdona yoki olmosdir.

Tongotar fayzini nay navosini,
Dalalar shukuhin ob-havosini.
Visol chog’larini, dil sadosini,
Odamning jamiki muddaosini.

Barini, barini kuylamoq mumkin,
Odamda ni bo’lsa o’ylamoq mumkin.
Shu qadar serma’no ona tilimsan,
Tarjimon, eng dono ona tilimsan.

“Paxta” degan oddiy bitta so’zingda,
Jahonga arzirlik ulug’ ma’no bor.
Nega maqtamayin men ona tilim? –
Dilrabo so’zlari o’ynatsa dilim.

Ona tilim — Rauf Parfi

Rauf parfi ona tilim

Abut-Turk tarixdan balki bir hikmat,
Biroq sen borsan-ku Turon elinda.
Shoir, so‘z aytmakka sen shoshma faqat,
Ulug‘ Alisherning qutlug‘ tilinda.

Ul olis quyoshdir kuyinib yonar,
Olis xotirotlar o‘chmas falakda.
Haqdan, Haqiqatdan ko‘ring, kim tonar?
Dunyoviy alamning tiyg‘i yurakda.

Vatan deb atalgan beshik, onajon,
Men uchun yopilgan eshik, onajon,
Men sokin sollanib ilg‘ab borarman.
Vatan deb atalgan tobut qo‘ynida.

Chuvalgan bulutni qordek qorarman,
Ruhimning panjasi chaqmoq bo‘ynida.

O‘zbek tili — Rauf Parfi

O‘zbek tili rauf parfi

Hayhot, toptaganda arab va mo‘g‘il,
Hayotingning zanjirli yili,
Boshdan ne kechirding, mardona o‘g‘il,
O‘zbek tili, o‘zbek tili.

Ulug‘ tarixingga qilaman xitob,
Navoiy she’rining guli,
Kechmish zamonlarning tirik guvohi,
O‘zbek tili, o‘zbek tili.

Seni naqadarlik sevaman, ona,
Oh, yuragimning bulbuli
Bo‘lib sayragansan go‘dak chog‘imdan,
O‘zbek tili, o‘zbek tili.

Ona tilim, ruhimning qoni

Ona tilim ruhimning qoni

Hech zot uza bilmas uzilgan jonni,
Haqiqatni uza bilmas hech qachon.
Elim, ona tilim, ruhimning qoni,
Bir imdod so‘rayman sendan, onajon.

Chayonzor yo‘lidir borar yo‘llarim,
Tanim yonmaktadir ishqsiz ochunda,
Ko‘klarga to‘qinar so‘ngak qo‘llarim,
Oyoqlarim mening tuproq ichinda.

Barchaning boshida birdek beomon,
Manxus zamonlarning o‘lik shamoli, —
Buzg‘un yigirmanchi asr a’moli…

Mening ona tilim, munis, mehribon,
Sen Turkiy dunyoning g‘olib xayoli —
Seni yozajakman, tirilgan jahon.

Ona tilim, ona xalqim

Ona tilim, ona xalqim

3. Ulug‘ Turkistonim, oltin dalalar,
Oftob sochqi sochar bosh uzra balqib,
U sening tilingda aytar allalar,
Qonim, ona tilim, oh, ona xalqim.

Navoiy baytiga o‘xshaydi yo‘llar,
Bu toshlar Hamzaning qotili, hayhot!
Nahotki umrbod o‘rtasa o‘ylar,
Umrbod zanjirband etsa xotirot?

Zanjirbandman, ona tilim Ona so‘zingga,
Kundayin so‘larman, oydek to‘larman,
Mil kabi tortarman seni ko‘zimga.

Men g‘arib bandangman. Bir so‘z tilarman,
Boshimni qo‘yarman sening izingga,
Qudsiya anfosin aytib o‘larman.

Vatan haqida sherlar to‘plami

Sayrab turgan bu tilni

Sayrab turgan bu tilni

Mungli qushim, sayrab-sayrab kel, anglat,
Kimlar erur Turk tilini sotg‘uchi?
Bulbul kabi sayrab turgan bu tilni,
Uyalmayin bu o‘lkadan otguchi?

Bolday totli, jondan aziz turkchani,
Tushunmayin, xo‘rlab-xo‘rlab yotg‘uchi?
Mungli qushim, ularni qo‘y, sen sayra!
Turk tilining dong‘in chiqar ko‘klarga!

Qo‘y ularni, ular yo‘ldan ozsinlar,
El ichida bo‘sh bo‘g‘uzlik sotsinlar!

Ona tilim — A‘lo tilim

Ona tilim a‘lo tilim

O’tmishi bor tarixga boy,
Navoiydan olgan chiroy.
Orzu havas bunda talay,
Ona tilim – a’lo tilim.

Yana qayta tug’ilgansan,
Baxt – iqbolga yog’rilgansan.
O’lkamizga nur bo’lgansan
Ona tilim — a’lo tilim.

Ona tilimda — Jumaniyoz Jabborov

Ona tilimda jumaniyoz jabborov

Dunyo ishi sho’x mavjlanadi ona tilimda,
Har bir so’z yuz ma’noli durdona tilimda.
Izhori ko’ngil chog’i ipak tovlanadir ul,
Burro-yu go’zal, go’lib-u mardona tilimda.

Do’stlarning shirin davrasida shaydo shakardir,
Har jilvasi bir gulxan-u gulxona tilimda.
Bor unda Navoiy ruhi, unda Bobur bor,
Har shevasi qasr ila koshona tilimda.

Dunyoda bor ilm-u hunar unda jilobaxsh,
So’ngsiz xazina qomus-u afsona tilimda.

Ona tilim — Mirtemit

Mirtemit ona tilim

Yobonlarning cheksizligi,
Ham samumi, ham hovuri,
Onajonlar allasidan,
Ko‘z yoshidan, oq sutidan;
To‘qaylarning tengsizligi,
Jilg‘alarning sho‘x g‘ovuri,
Yigitlarning yallasidan,
Suluvlarning sukutidan —
Yo‘g‘rilgan til — Ona tilim.

Daryolarning toshqin payti
Arslon yanglig‘ arillashi,
Dovonlarning ko‘k qiyosi,
Qorli tog‘lar jilosidan,
Cho‘ponlarning qamish bayti,
Childirmaning darillashi,
Go‘ro‘g‘lining alp siymosi,
Alpomishning da’vosidan —
Tug‘ilgan til — Ona tilim.

Tulporlarning asovligi,
Tosh chaqishi, olovligi,
Bobolarning oltin so‘zi,
Bo‘yoqchining o‘lanidan:
To‘quvchining alg‘ovligi,
Chilangarning dalg‘ovligi,
Bu tuproqning qo‘sh ho‘kizi,
Qo‘shchisi ham qo‘lanidan —
Yaralgan til — Ona tilim.

Shu tuproqning jon ayamas
Tarlonlari, burgutlari,
Kelinlarning dildoshligi,
Yor-yorlarning jarangidan;
Bosqinlarning bedodligi,
Buvilarning o‘gitlari,
Do‘mbiraning mungdoshligi,
Dutorning ham tarangidan —
Taralgan til — Ona tilim.

Asl durdona tilim

Asl durdona tilim

So‘zi qudratli, sirli,
Ham go‘zal, ham sehrli,
Go‘yoki tirik jondek,
Muhabbatli, mehrli,
Go‘zal jonona tilim,
Asl durdona tilim.

Dilimiz torjimoni,
Sen millatning mulkisan,
Chiroylisan, ko‘rklisan.
Fe’l-atvori, ruhini
Aks ettirgan ko‘zgusan,
Donishmand, dono tilim,
Asl durdona tilim.

Sensiz na ilm bo‘lar,
Na fikr, bilim bo‘lar.
Sen bo‘lmasang so‘zlarnnig,
Bag‘ri ming tilim bo‘lar.
Onajon, ona tilim,
Mening shohona tilim.

Ona tilim jonu dilim

Ona tilim jonu dilim

Bobolardan me’ros qolgan,
Butun olam e’zoz qilgan.
Bu dunyoda yagonamsan,
Ona tilim-jonu dilim.

Sen ancha vaqt orzu bo’lding,
Rus so’zidan juda to’yding.
Oxir o’zni tiklab olding,
Ona tilim-jonu dilim.

Hozir juda go’zaldirsan,
Hamma tildan o’zing zo’rsan.
Zulmatdagi nurimdirsan,
Ona tilim-jonu dilim.

Men sen ila o’zbekdurman,
Sensiz men ham qul bo’lurman.
Allalar tinglagan tilim,
Ona tilim-jonu dilim.

Ona tilim jonu dilim — Latofat Bo’riyeva

Latofat Bo’riyeva ona tilim

Dilim yayrar so’zlaganda,
Nais qalam izlaganda.
Kundan-kunga chiroy ochding,
Ona tilim – jonu dilim.

Madhing dildan kuylay jo’shib,
Ohanglaring qo’shib-qo’shib.
O’rganarman sendan bilim,
Ona tilim – jonu dilim.

O’zbegimning iftixori,
Til millatning nomus ori.
Ardoqlaydi sevib elim,
Ona tilim – jonu dilim.

Mening kesilgan tilim

Mening kesilgan tilim

Mening tig’ tilgan tilim,
Mening kesilgan tilim,
Bahaybat to’g’on tushib,
Yo’li to’silgan tilim.

Qushning unut patiday
To’kilgan unut jonim,
Kitoblarning qatida,
Rangi-ro’yi somonim.

«Eski o’zbek tili»mas,
Dedilar eskirgan til,
Qo’rqib chiqarmoqqa sas,
Sandiqlarga kirgan til.

Senda bodom isi bor,
Senda bobom isi bor,
Bolam na rus, na o’zbek,
Arosat belgisi bor.

Besh yuz yillar avvalgi,
Xatni men anglayman, bas,
Men bugun aytganimni
Bolam ba’zan tushunmas.

Ko’kragimda dod qotgan,
Yaqinlashar katta xavf,
O’z tilini yo’qotgan,
Xalq bo’lmasmi yerdan daf.

Oldga, safarbarlikka,
Qanday yaraydi bolam,
Ortidagi jarlikka,
Qanday karaydi bolam.

Uni kim qilib qo’ydim,
Kim bo’ldi og’am-inim,
Tomir-tomirim kuydi,
Sindi bo’g’in-bo’g’inim.

Guli unut xalq bo’ldik,
Io’li unut xalq bo’ldik,
Ommaviy gunglik sodir,
Tili unut xalq bo’ldik.

Umrimning shom, kechiga
Shu o’y sanchilib turib,
«Lug’atit-turk» ichiga,
Yoshim tomchilab turib,
Dedim: — Tig’ tilgan tilim,
Mening kesilgan tilim.

Ona tilim — Sa’dulla HАKIM

Sa'dulla hakim - Ona tilim

Doʼstga dostu dugona tilim,
Begonaga begona tilim,
Beshigimda yagona tilim,
Ona tilim.

“Lugʼatit turk”, “Qutadgʼu bilik”,
Oʼzbegimni oʼstirgan ilik.
Odamiyga odamgarchilik,
Ona tilim.

Qizlaridek iffatli tilim,
Qardoshiga izzatli tilim,
Tilim, tilim va ilhaq tilim,
Ona tilim.

Ulus tilim, elat,xalq tilim,
Ulugʼ tilim, abad haq tilim,
Navoiyga zor, ilhaq tilim,
Ona tilim.

Ota boʼlib otlangan tilim,
Ona boʼlib shodlangan tilim,
Bola boʼlib yodlangan tilim,
Ona tilim.

Boshimda bosh bor ekan, borsan,
Koʼzimda yosh bor ekan, borsan,
Toki quyosh bor ekan, borsan,
Ona tilim.

Bayroq haqida sherlar to‘plami

O‘zbek tili – mening ona tilimdir

O‘zbek tili – mening ona tilimdir

Gullasin Vatanim, yashnasin elim,
Baxt-u saodatdan yayrasin dilim,
Armoni yo‘q inson bo‘lay dunyoda,
Dilim quvonchini so‘ylasin tilim.

Ona tilim obro‘sin ko‘taray ko‘kka,
Men ham intilaman doim yuksakka,
Vatanga muhabbat tilga sadoqat,
Har kimni yetkazar ezgu tilakka.

O‘zbek tili – mening ona tilimdir,
Har bir kuy-g‘azali g‘uncha – gulimdir,
O‘z ona tilimni chin dildan sevmoq,
Bilaman, men tutgan to‘g‘ri yo‘limdir.

  1. sultonboy:

    chotki masakan tufata

  2. Аноним:

    qiziqarli va ibratli

  3. Ahrorbek:

    Sherlar juda ham zor. Faqat kichik satrlilari koproq bolsa yacshi bolardi

  4. Magistr:

    Judayam chiroyli she’rlar!

  5. Fazilat Boqulova:

    She‘rlar ajoyib tadbirbob.

  6. Fazilat Boqulova:

    Ajoyib , purma‘no she‘rlar Rahmat

  7. Maqsuda:

    Man izlagan she’lar.Rahmat JAMLAGANLARGA

  8. Dinora:

    Til haqida kattalarga mos Manoli sher

  9. Kamila:

    Juda zo’r. Qoyil qolmasdan iloj yo’q!!! Tasanno.!!! Shu she’rlarni kim tahlagan bo’lsa o’shaning ota onasiga va ustozlariga rahmat!!!

  10. SEVINCH:

    ROSTANHAM SHE’LARINGIZ CHIROYLI

  11. Gulsanam Ibrohimova:

    She’rlar juda ham ma’noli va maqbul. Kerakli manba bòlibdi.

  12. Аноним:

    Yordamingiz uchun tashakkur

  13. Pari:

    Rossa zor sherlar kotta raxmat

  14. Madina:

    She’rlar zo’r. Har qanday yoshga mos she’rlar bor. Tadbirimga tanlab oldim.Katta rahmat

  15. kamoliddin:

    Sherlari yaxshi zòr ekan menga yoqdi katta raxmat

  16. Habiba:

    Foydalanuvchilarga katta qulaylik yaratibsizlar. Rahmat. Juda xursand bo’ldik. Ishlaringizga omad. Charchamanglar.

  17. Feruza:

    Assalomu alaykum she’ringgiz juda mantiqli va mazmunli she’rlar uchun rahma😀😃😄

  18. Gulchehra:

    Ajoyib sherlar menga juda yoqdi

  19. U_ijodkor_:

    Sherlar juda zur. Manoli va jozibador. Mening uzim ham uz ijodimdan sherlar yozib turaman. Barcha ijodkorlarga ulkan omad tilayman.

  20. Аноним:

    Menga ham yoqdi. Zõr ekan👍👍👍

  21. Sirli:

    Juda ma’noli she’rlar

  22. Nozima:

    Hamma sherlar menga yoqdi

  23. Nasi:

    Juda ham ajoyib sherlar barchasi zor menga yoqti

  24. diyora:

    bu sherlr juda ajoyib ekan menga yoqdi

  25. Oyzora:

    Judaxam zo’r sher chiqipti

  26. Kumish.:

    Juda. Qizix. Sh’rlar. Ekan. Menga. Yoqti

  27. Аноним:

    Nu narmalniy she’rlar

  28. Maxliyo:

    Judayam zór gap yóq shunaqa she’rlar kopaysin👌👌

  29. Неизвестно:

    Til — millatning bolig’i degan she’r yo’q ekan bu esa yaxshi emas!!😒

  30. sevinch:

    assalomu alaykum she’rlaringa tilojiz ishlaringa omad tilayman

  31. MARDONA:

    ASSALOMU ALEYKUM SHERLAR ZORRR

  32. Аноним:

    Raxmat menga katta yordami tegdi til bayrami uchun sherlarini yozib oluvdim

  33. Sofiya:

    Til haqida yanada ko’proq sherlar kutib qolamiz

  34. Imona:

    Juda ham zo‘r. Gap bo’lishi mumkin emas. Rahmat uzbaza.uz Menga juda ham yoqdi.

  35. 🌹🥀🌺:

    ASSALOMU ALAYKUM. VASILA ISMIGA HAM ILOJI BO’LSA SHE’R YUKLASANGIZ. OLDINDAN RAXMAT.

  36. Zabo:

    ASSALOMU ALAYKUM. VASILA ISMIGA HAM ILOJI BO’LSA SHE’R YUKLASANGIZ. OLDINDAN RAXMAT.

  37. ASADBEK:

    JUDA YAXSHI SHE;R EKAN

  38. Shirina:

    Juda ham ciroyli soʻzlar bn tuzilgan sherlar ekan rahmat

  39. Oyfincha:

    She’rlarning hammasi zoʻr menga juda yoqdi

  40. Durdona.:

    Menga. juda. yoqdi. zo’r

  41. Sanamjon:

    Manga ham juda yoqdi 👍👍👍

  42. Azizbek:

    yaxshi she’rlar bor ekan.

  43. Mahliyo:

    She‘rlar juda zo‘r gap yo‘q🤗👍

  44. Аноним:

    Menga juda yoqdi.👍👍👍

  45. Muhammad Ali:

    She’rlar juda yoqdi. Rahmat. Barchasi ajoyib va mazmunli. Oʻzimga keraklilarini topa oldim. Tashakkur👍👏

  46. Аноним:

    Juda chiroli sherlar ekan

  47. Zebiniso:

    Juda ajoyib sheʼriy toʻplami bor ekan

  48. Jaloliddin:

    Menga juda yoqdi raxmat👍👍👍

  49. ???:

    Katta rahmat juda foydali

  50. ..:

    Juda chiroyli sherlar rahmat hamma sherlar uchun!

  51. Gulchehra:

    SHerlarga gapyo’q

  52. Gulsanam:

    Sherlar juda mazmunli va ma’noli ekan.Menga juda yoqdi 💖💖

  53. Malifesenta:

    sher juda zo’r$

  54. X.Ravshan:

    Eng yaxshi shellacr uchun rahmat

  55. X.Ravshan:

    Eng yaxshi shellacr uchun rahmat 👍👍✋🙋‍♂️😊

  56. Аноним:

    Juda ma’noli sōzlar

  57. Asadbek:

    Ichida boshlovchilar aytadigan yani yaxshilari 2 ta 3 ta Ekan. Qolganlari ham yaxshi

  58. Asadbek:

    judfa-juda-juda-juda yaxshi

  59. Аноним:

    😍😍😍😍😍😍😍😍😍😍😍😍😍😍😍😍💖Menga bu she’rlar juda yoqdi gap yo‘q.💖😘😘😘😘😘😘😘😘😘😘😘😘😘😘😘😘

  60. Dilafruz:

    Yaxshi sherlar meng ham yoqdi. Ishlaringizga omad

  61. Fayz:

    Juda zo’r bolalarimga o’rgatyapman borilarga shukr

  62. Nomsiz:

    Juda zor werla manga yoqdi

  63. 007:

    SHE’RLAR JUDA ZO’R EKAN

  64. Sirli qizaloq:

    Zo’r gap bolishi mumkinmas

  65. 😎😎😎:

    Juda yaxshi she’rlar ekan rahmat kattakon ishlaringizga omad👍👍👍👍👍

  66. Mavjuda:

    Rahmat. Yaxshiliklaringiz ollohdan qaytsin.

  67. LOLA:

    ADABIYOTIMIZ YUKSALAYOTGANIDAN XURSANDMAN SHOIRLARIMIZGA TASANNNO

  68. Zilola Abduganieva:

    She`rlar uchun rahmat manga juda yoqdi

  69. Аноним:

    Juda ham tushunarli so’zlar bilan yozilgan she’rlar bor ekan rahmat hammalaringa👏👏👏

  70. Fotimaxon:

    She’rlar zõr Tufta digan kishini ma’naviyat ôlik ekan ahmoq

  71. Диёр:

    салом шеърлар жуда яхши

  72. Диёр:

    шеърлар жуда яхши

  73. Аноним:

    Elmurodjon vaMohiniso sheʼr juda ajoyib va betakror ekan .Rahmat

  74. Elmurodjon vaMohiniso:

    Elmurodjon vaMohiniso sheʼrlar juda ajoyib va betakror ekan .Rahmat

  75. ..........:

    manga ko’pro »Asl durdona tilim» she’ri yoqdi. qoganiyam zor.

  76. Dinora:

    Sherlar juda chiroyli sherlarni yomoni bomiydi sherlarga gap yogu lekin kamro ekande yanada kopro bosa zor bolardide

  77. Dinora Norboyeva:

    Sherlar juda chiroyli ekan

  78. Shahrizoda Charos Jasmina:

    Juda yaxshi manoli sherlar ekan juda yoqdi🥰🥰🥰🥰🥰🥰👍👍👍👍👍👍

  79. Аноним:

    Assalomu alaykum manga ushbu sherlar to‘plami judayam yoqdi zo‘r ekan qoyil yaratgan odamga omadini bersn Inshaalloh

  80. Muxlisa:

    Juda zõr sherlar. Ijodingizga omad

  81. Аноним:

    Yaxshi, zor hamma sherlar

  82. DILSO'Z:

    SHe’rlarga gap yo’o’o’q.

  83. Dilimdagi so'zim:

    she’rlar judayam ajoyib

  84. Аноним:

    Judayam zo’r she’rlar ekan qoyil qoldim

  85. Dilya:

    Sherlar juda yaxshi mas lekin

  86. Аноним:

    Rahmat katta

    👍☝👍👍👍👍👍👍

  87. Аноним:

    Ижод ахлига омад

  88. Dilnura:

    She’rlarga gap yoq👏👏👏

  89. Jalilov Sadaddin:

    O’zbek she’riyatining durdonalari. Barcha mehnat qilgan insonlarga ofarin va minnatdorlik bildiraman. Shuningdek barchaga omad tilayman.

Fikringizni bildiring

Iltimos ushbu maqolaga doir fikr-mulohazangizni imkon qadar batafsilroq bayon eting 😀