Qish fasli haqida sara sherlar to‘plami

Qish fasli haqida eng sara sherlar to‘plami kattalar va bolalar uchun. O‘lkamizga qish fasli kirib kelishi bilan, kunlar ancha qisqardi. Quyosh hamma yoqni yoritadi-yu, lekin qizdirmaydi. Biz esa qorni intizorlik bilan kutayapmiz.

Qish fasli haqida sherlar

Qish kelibdi yastanib

Qish kelibdi yastanib kattalar uchun

To‘rt fasllar aylanib,
Qish kelibdi yastanib.
Zamin oppoq o‘ramda,
Yumshoq, momiq gilamda.

Ko‘cha to‘la bolalar,
Uchar quvnab chanalar.
Yanoqlari zir qizil,
Lek yonmoqda qizib dil

Olam naqadar go‘zal,
Ertakdaman shu maxal.
Osmonlardan yog‘ar qor,
Atrofga sochib chiroy.

Tarnovda to‘p sumalak,
Qator-qator bir talak.
Mo‘ri, pechdan bo‘rillab,
Tutqun o‘ynar tarallab.

Mo‘jaz, sirlarga boysan,
Erka, to‘lingan oysan.
Kuch olar uxlab borliq,
Tanga bag‘ishlab xordiq.

Yil fasllari haqida sherlar

Kumush qish

Kumush qish sheri

Barglarini to‘kkanda daraxt,
Xashoratlar bo‘lganda karaxt,

Pechkalarda yonganda o‘tin,
Mo‘rilardan chiqqanda tutun,

Dala, bog‘ni qoplaganda qor,
Muzlaganda arig‘u-anxor,

Sovuq xukm surganda xar dam,
Qalin kiyim kiyganda odam,

Dalalarda susayganda ish,
O‘lkamizda demak «kumush qish»!

Yetib keldi qish yana

Yetib keldi qish yana

O‘tib ketdi kuz chog‘i,
Yetib keldi qish yana.
Kengdir muzlik quchog‘i,
Bolalar tortar chana.

G‘izillashib o‘tishar
O‘g‘il-qizlar quvnashib.
Konki otib uchishar,
Bir-birlarin quvlashib.

Dam olib o‘tkazadi,
Bo‘sh vaqtlarin bolalar.
Oq to‘nga o‘raladi,
Butun atrof, dalalar.

Qish ham rohat bizlarga –
Ish qilib, olamiz dam.
To‘lar o‘g‘il-qizlarga,
Qorli tepalar har dam.

Qishning ishi

Qishning ishi haqida sherlar

Qoyilman qish ishiga,
Zavq beradi kishiga.

Anhorni muzga qoplab,
Yaxmalak qildi boplab.

Faqat shuni bilmadim,
O‘ylab, o‘yga yetmadim.

Olamga oq libosni,
Qanday qilib yopdiykin?

Buncha oq rang, oq nurni,
Qanday qilib topdiykin?

Kuz fasli haqida sherlar

Qish zavqi (Bolalar uchun sher)

Qish zavqi bolalar uchun sher

Tiniq suv shildir-shildir,
Muz tagidan oqqanda.
Chana uchgim keladir,
Qish fasli qor yoqqanda.

Qor ustidan chanalar,
Gʼiz-gʼiz uchar oʼq kabi.
Chunki oʼynab bolalar,
Qizib ketar choʼgʼ kabi.

Baʼzan qor boʼron oʼynab,
Quvlashib qor otamiz.
Qorqiz, qorbobo yasab,
Qish zavqini totamiz!

Qish (Bolalar uchun sher)

Qish haqida sher

Dala-dashtda tindi ish,
Mehmon bo’lib keldi qish.
Qish emas, — qor bobo,
Sovg’alari bor bobo.

Uyda bezog’lik archa,
Tepasida oyparcha.
Xuddi yozday, bahorday,
Iliq kuzgi nahorday.

Qor yog’ar kecha-kunduz,
Suv sovqotib kiygan muz.
Dala-dasht — oppoq gilam,
Qoqib bo’lmas sira ham.

Orom berar qor yerga,
Dam-badam tushib terga.
Kela qolsa gul bahor,
Erib ketar yerdan qor.

Qish tasbehlari

Qish tasbehlari

Qor kiyingan archalar,
Oq qalpoqqa o’xshaydi.

Yaltiroq shox-shabbalar,
Jez taroqqa o’xshaydi.

Muz qotgan ariqchalar,
Zar belbog’ga o’xshaydi.

Sumalaklar — qandillar,
Muz chiroqqa o’xshaydi.

Qor ustida qarg’alar,
Qora dog’ga o’xshaydi.

Yo oq qog’ozga tomgan,
Rang — siyohga o’xshaydi.

Fe’li sovuq izg’irin,
Ko’p chatoqqa o’xshaydi.

Quvib solar hammani,
Urto’qmoqqa o’xshaydi.

Qish yaqin (Bolalar uchun sher)

Qish yaqin

Quyonga dedi Ayiq:
— Buncha shoshasan, qiziq?
— Qish kelar qilich qayrab,
Qandoq o‘tiray qarab?

Qish g‘amini yeyapman.
—To‘xta, nima deyapsan?
Qish degani bir kecha…
— Unday emasdir hecham.

— Bir uxlab tursang, bahor!
— Bahorgacha ko‘p gap bor…
Qishli qirovli kunda,
Ovqat so‘rayman kimdan?

— Qanaqa qish, ey ahmoq? —
Darg‘azab bo‘lar maymoq.
— Qishdan qo‘rqmaysiz, demak…
— Gap qaytarma tirmizak.

Bahor fasli haqida sherlar

Qishda (Bolalar uchun sher)

Qishda rosa mazza

Rosa maza qish,
Qorlari — kumush.
Oq kiygan atrof.
Qish havosi sof.
Konki uchamiz,
Hech charchamay biz.
Goho qorbo‘ron
O‘ynab kim chaqqon? —
Bilib olamiz,
Qoyil qolamiz.

Qish sabog‘i

Qish sabog‘i

Shimimda to’rtta cho’ntak,
Paltomda to’rtta cho’ntak.
Birma-bir kirib chiqar,
Bariga ikki qo’lim.

«Kuh-kuh»lab qo’llarimga,
Oyimlar koyir andak,
— Shunaqa chatoq bo’lar,
Qo’lqop yo’qotish, o’g’lim!

Oppoq qish-ey — (Bolalar uchun sher)

Oppoq qish

Oppoq qish-ey, oppoq qish,
Eh, qorlari yumshoq qish.
Chana, konki o‘ynatgan,
Quvnoq qish-ey, quvnoq qish.

Dam olmoqda dalalar,
Keng vodiylar, daralar,
Fasl gashti atrofga,
Qo‘shiq bo‘lib taralar.

Tarnovlarda sumalak,
Ko‘llar oyna—yaxmalak.
Ayting, ayting bo‘lmasin,
Hech kim yo‘lda charxpalak.

Sovuq hazllasharmi,
Yuzlar jizillasharmi,
Goho-goho uchragan,
Qo‘rqoqni izlasharmi?

Oppoq qor sut singari
Ona Yerga singadi.
Oftob kelib yaqinroq,
Qishning qahrin yengadi.

Oppoq qish-ey, oppoq qish,
Tarqoq qish-ey, qo‘rqoq qish.

Yoz fasli haqida sherlar

Qish boshlandi

Qish boshlandi

Dov-daraxtlar mizg’igan,
Izg’irin uel izg’igan.
Ko’chalar yaraqlaydi.
Yulduzlar charaqlaydi.
Jamlab barcha kuchini,
Kelmoqda qish qo’shini.

  1. Jumagul:

    Juda ham zõr she’rear

  2. Аноним:

    Menga juda yoqdi

  3. Аноним:

    Juda zor sherlar

  4. Mahfuza:

    Rahmat judayam zo‘r she‘rlar to‘plangan ekan

  5. SaidDias:

    Judayam yaxwi werlar

  6. Muxayyo:

    She‘rlar juda yaxshi ekan. Menga yoqdi. She‘rlardan faoliyatimda foydalanishga harakat qilaman

  7. Shirin:

    Zor sherlar ekan manga juda ham yoqdi qoyil lekin sizlrga ham yoqishi aniq 👍👍💓💋😜

  8. Umida:

    Salom. Sherla zo’r rahmat. «Qish tasbehlari» Degan sher mega maqul bo’ldi. Ushbu sherni yod olyapman.

  9. Kokosh:

    Qish fasli seni sevaman. Qish fasliga atalgan sherlar juda ko’p ekan. Menga yoqdi bu sayt. Barchaga omad tilayman.

  10. Aziza:

    Salom. She’rlar juda zo’r ekan menga yoqdi. Ishlaringizga omadlar tilayman. Shunga o’xshash sherlardan yana yuklasangiz yaxshi bo’lar edi.

  11. Sabrina:

    Judayam zo’r sherlar ekan. Menga juda-juda yoqdi. Gap yo’q zo’r. Ijodlaringizga ulkan zafarlar tilayman.

  12. Bahora:

    Eh do’stlar shoir va shoiralarimizga tasanno aytmasdan ilojimiz yo’q. Sheriyatni haqiqiy cho’qqisi deb manabuni aytsa bo’ladi.

  13. Sodiq:

    Sherlar juda ajoyip. Shoir va shoiralarga omad tilayman.

Fikringizni bildiring

Iltimos ushbu maqolaga doir fikr-mulohazangizni imkon qadar batafsilroq bayon eting 😀