Yoshlik va Keksalik haqida maqollar to‘plami

Yoshlik hamda qarilik haqida eng sara maqollar to‘plami. «Yoshlik bahorga, keksalik esa qishga o‘xshaydi. Lekin shunday qishki, orqasidan bahor kelmaydi» (Abulqosim Firdavsiy).

Yoshlik va keksalik haqida maqollar

Yoshlikning yeli kuchli,
Keksalikning — aqli.

Yosh bilmaydi,
Katta qiymaydi.

Olti yashardan so‘rama,
Oltmish yashardan so‘ra.

Oltmishga kirgan otadan osh so‘rama.

Bir bolani katta qilguncha,
Bir shahar paydo bo‘lar.

Yuk yig‘ilib, toyloqqa qolar.

Beshik bolasi — bek bolasi.

Yo‘tal — keksaning hamrohi.

To‘y va motam haqida maqollar

Odam qarib, yo‘ldosh bo‘lar,
Daraxt qarib, qush qo‘nar.

Kichikni maqta, kattani saqla.

Choi suhbati — chol bilan.

Qarilikni donolik bezar, yoshlikni kamtarlik

Arslon qarisa, quyrug‘ini o‘ynar.

It qarisa, tozi bo‘lar,
Qiz qarisa, qozi bo‘lar.

Qarilikni donolik yoshlikni kamtarlik bezar

Yigitlik — umr gulshani.

Ayolning o‘ttizga kirgani —
O‘tin bo‘lgani.

Yoshlikdagi g‘ayrat — keksalikdagi rohat.

Yigit ketardan,
Qari o‘lardan qo‘rqitar.

Qarilik uy — qayg‘uli uy.

Yigitlik yelib o‘tar,
Qarilik — chopib.

Qarilik — bolalik.

Yoshlikda bilgani — toshga yozgani,
Qarilikda bilgani — muzga yozgani.

Yoshni xudo saqlar,
Qarini — ovqat.

Qirqida qo‘liga soz olgan,
Qiyomatda qulog‘ini burar.

Yoshlikda eksang, qarilikda o‘rasan.

Keksalik ko‘prik

Tuya qarisa, bo‘tasiga ergashar.

Qarisi bor uyning parisi bor,
Parisi bor uyning barisi bor.

Keksalik ko‘prik

Noz qizga yarashar,
Kampirga balo bormi.

Kampir o‘laman deb qo‘rqitar,
Kelin — ketaman deb.

Olti yashar yo‘lda bo‘lsa,
Oltmish yashar yo‘ldan chiqsin.

Uzoq bo‘lsa ham, yo‘l yaxshi,
Qari bo‘lsa ham, qiz yaxshi.

G‘am va sevinch haqida maqollar

Etmish, yetmishdan keyin ketmish.

Qarining qarg‘ishi — qattiq.

Keksaning yoshini so‘rama, ishini so‘ra.

Yigitlik — mastlik,
Qarilik — sustlik.

Beshikdagi besh turlanar,
Qayoqqa bursang, shunga o‘rganar.

Yoshlikda o‘rgangan hunar,
O‘zingga o‘ljaga qolar.

Olti yashar yo‘ldan kelsa,
Oltmish yashar ko‘rgani kelar.

Qarilik davosiz dard

Kichikdan — xato,
Kattadan — ato.

Burgut qarisa, yapaloqqush bo‘lar.

Qarilik davosiz dard

Qarchig‘ay qarisa, chumchuqqa mayna bo‘lar.

It qarisa, qopolmas,
Ot qarisa, chopolmas.

Kosib qarisa, yamoqchi bo‘lar,
Otin qarisa, yuvuqchi bo‘lar.

Yoshing oshgach, yodgorlik qo‘y.

Dard yomon,
Darddan qarilik yomon.

Qarining ko‘zi — qozonda.

Suvsiz yerda tol bo‘lmas,
Qarimagan chol bo‘lmas.

Yosh ketaman deb qo‘rqitar,
Qari — o‘laman deb.

Qarida xislat ko‘p.

Yigitga og‘ir narsa ham yengil tuyular,
Keksaga yengil narsa ham og‘ir tuyular.

Er qarisa — el ichida,
Sher qarisa — g‘or ichida.

Qarilik davri qishday, yoshlik davri yozday

O‘t tutunsiz bo‘lmas,
Yigit — yoziqsiz.

Qari bor uyning zari bor.

Qarilik va yoshlik davri gozal

Qirqida sumaychi bo‘lgan, o‘lganda chalar.

Kichikdan — qusur,
Kattadan — uzr.

Bola — shirinlikning adoyi,
Qariya — shirin so‘zning gadoyi.

Chorvachilik va dehqonchilik haqida maqollar

Kichiklarning kattasi bo‘lguncha,
Kattalarning kichigi bo‘l.

Yigitlik — bir guliston,
Qarilik — bir zimiston.

Qarg‘a qag‘illab g‘oz bo‘lmas,
Kampir shingqillab qiz bo‘lmas.

Ot qarisa — oxurda,
It qarisa — chuqurda.

Aldashga bola yaxshi,
Xudo ursin momoni.

Har kimning joni o‘ziga shirin.

Yosh chog‘im — oltin chog‘im.
Yoshi yetmay, ishi yetmas.

Bir shaharni bir bola buzar.

Har keksadan bir naql.

Yoshlik yoshga, qarilik sochga qaramas

Qarini kaftda saqla,
O‘ligini hafta saqla.

Yosh-u qarining joni bir,
Oriq-semizning imoni bir.

Yoshlik yoshga qarilik sochga qaramas

Ho‘kizga tuqqan kun,
Buzoqqa ham tug‘adi.

Er qarisa, erki ketar,
Xotin qarisa, ko‘rki ketar.

Bo‘ri qarisa, itga kulgu bo‘lar.

Yosh kelsa — ishga,
Qari kelsa — oshga.

Sog‘lik va bemorlik haqida maqollar

Qari uyning farishtasi,
Saranjomi, sarishtasi.

Nodon bosh bo‘lmas, ko‘pik osh bo‘lmas,
Qarilik qaytib, qayta yosh bo‘lmas.

O‘zbekning kichigi bo‘lguncha,
Kuchugi bo‘l.

Qarilarni qarg‘atma,
Yosh joningni og‘ritma.

Yoshning hurmati — qarz,
Qarining hurmati — farz.

Avval — bahor, oxir — xazon.

Yoshlik — beboshlik.

4.4/5 - (10 голосов)

UzBaza.uz

Barcha mavzularga doir qiziqarli va foydali maqolalarni o‘z ichiga sig‘dira olgan ma‘lumotlar bazasi.

  1. Ilhomova Feruza:

    Yaxshi maqollar ekan.menga yoqdi

    • UzBaza.uz:

      Feruza assalomu alayko’m. Ha to’g’ri aytasiz yoshlik va keksalik haqidagi bu maqollar insonni bizor o’ylashga majbur qiladi. Fikringiz uchun alohida tashakkur!

Fikringizni bildiring

Mavzuga doir fikringizni imkon qadar batafsilroq bayon eting!