Sog‘lik, Tozalik va Bemorlik haqida maqollar to‘plami

Tozalik, bemorlik va Sog‘lik haqida eng sara maqollar to‘plami. «Vahima qilish yarim kasallikdir. Xotirjamlik yarim sog‘likdir. Sabr esa shifoning boshlanishidir» (Abu Ali Ibn Sino).

Kasalni yashirsang,
Isitmasi oshkora qilar.

Kasalni tabib emas, habib tuzatar.

Pokliging — sog‘liging.

Terlama tez o‘ldirar,
Bola-chaqani g‘amga to‘ldirar.

Quturganning kuni — qirq.

Kasal — bitta, davosi — mingta.

Kasalni tabib emas, habib tuzatar.

Mamnunlik va afsuslanish haqida maqollar

Kasal kasal emas,
Kasalni boqqan kasal.

Bosh armoni bo‘lmasa,
Mol armoai armonmas.

Bemor o‘ziga yoqmagan ovqatga o‘ch.

Chilim chekkan kishini,
Urib sindir tishini.

Qozon to‘la osh bo‘lsin,
Yostiq to‘la bosh bo‘lsin.

Omon bo‘lgan ot minar,
Ola parcha to‘n kiyar.

Och holini to‘q bilmas,
Kasal holini — sog‘.

Sog‘ olma shoxidan tushmas

Chiniqqanga — gard yuqmas,
Tiniqqanga — dard.

Isitmani yashirsang,
O‘lim oshkor qilar.

Odam aksirsa yozilar,
Mol — silkinsa.

Suyak butun bo‘lsa, et bitar.

Chuchkuruv bilan jon kirar,
Esnash bilan jon chiqar.

Qimiz ichgan qarimas,
Qarisa ham, dard ko‘rmas.

Tani sog‘ga kunda to‘y.

Sog‘dan salqit qolmas.

Tani sog‘ning — joni sog‘.

Kasalning kelishi oson, ketishi qiyin.

Bosh rohati — tan rohati.

Nomard bo‘lsin, sog‘ bo‘lsin.

Mol zo‘riqsa, o‘ladi,
Odam zo‘riqsa, o‘ldiradi.

Toza ko‘zaning suvi toza

El sog‘ligi — yurt boyligi.

Jon qaqshag‘i jahonga sig‘mas.

Rang ko‘r, hol so‘r.

Dard keldi, darmon ketdi.

Ermanalik uyda er o‘lmas,
Darmonalik uyda dard bo‘lmas.

Ayolning sarishtasi —
Ro‘zg‘orning farishtasi.

Ehtiyotkorlik va ehtiyotsizlik haqida maqollar

Qovun yesang, sahar ye,
Sahar yemasang, zahar ye.

Kechki ovqat — zahar,
Ovqat yegin sahar.

Salomatlik — tuman boylik.

Kasal ko‘rsang, ko‘ngil ko‘tar.

Uzoq chaynasang, uzoq yashaysan.

Ter tagida dard qolmas.

Sog‘likda xo‘rlik yo‘q

Tishsiz og‘iz — toshsiz tegirmon.

Joningni olmagan kasal yoningda bo‘lsin.

Sog‘ tanda — sog‘lom aql.

Kir yuvgandan supurgi ham qo‘rqar.

Sovrin — zo‘miki, sog‘liq — ko‘pniki.

Oyda kelsin, omon kelsin.

Bola sog‘ligi — ona boyligi.

Omon bo‘lsang, olam seniki.

Tan og‘risa, jon sezar.

Sarimsoq, sarimsoq yeganning tani sog‘.

Tabib tabib emas,
Dard chekkan — tabib.

Mol ketsin, pul ketsin,
Eson-sog‘likka ne yetsin.

Kasal bo‘lib o‘lmadim,
Uzulikib o‘ldim.

Toza uyda dard qolmas

Bosh omon bo‘lsa, do‘ppi topilar.

Sog‘ aql — bol aql.

Qattiq qishdan mol qolsa — o‘lja,
Qattiq og‘riqdan jon qolsa — o‘lja.

Kasalning yaxshi-yomoni yo‘q.

Kasalga asal ham bemaza tuyular.

O‘ladigan kasalning o‘lgani yaxshi,
Uydagilarning tingani yaxshi.

Kasal kamaysa, tabib kasal bo‘lar.

Dard botmonlab kelar,
Misqollab chiqar.

Muguz lat yesa, tuyoq zirqirar.

Uyi tozaga gard yuqmas,
Gard yuqsa ham, dard yuqmas.

Qalqonbozlik qiladi to‘ppa oshi,
Nayzabozlik qiladi ugra oshi.

Qaramagan boshni bit yer.

Yomon og‘riqqa — yaxshi osh.

Farovonlik va yetishmovchilik haqida maqollar

Sog‘lik — umrning garovi

Kasalga so‘z yoqmas,
Charchaganga — o‘yin.

Joni achimasning qoshida
Boshing ham og‘rimasin.

Qorning ochmasdan ovqat yegin,
Qorning to‘ymasdan qo‘l artgin.

Qora chivin kishi o‘ldirmas,
Ko‘ngil aynitar.

Och bo‘l, yalang‘och bo‘l, salomat bo‘l.

Bir kunlik isitma
Qirq kunlik kuchni olar.

Yashirin dardga davo yo‘q.

Qimiz ichganing — qirchillaganing,
Sut ichganing — so‘lqillaganing.

Qorni to‘qqa balo yo‘q.

Quyosh, havo — tanga davo.

Sog‘ yurak — tog‘ yurak.

Omon bo‘lsa shu boshim,
Yana chiqar shu sochim.

Tan salomati — jon rohati.

Tozalik — sog‘lik garovi

Qo‘toningdan chiqsa-chiqsin,
Qozoningdan chiqmasin.

Og‘riqqa emchi ko‘p.

Bedard yonida gapirsang, boshi og‘rir.

Sihat tilasang, ko‘p yema,
Izzat tilasang, ko‘p dema.

Kasal kulgi suymas.

Kalla osgan kuni itdan,
Kir yuvgan kuni bitdan qutulasan.

Boylikning boshi — sog‘liq.

Sovug‘ing oshsa — davlat,
Issig‘ing oshsa — qiyomat.

Ter chiqqandan jon chiqmas.

Joni og‘rigan tangrisini qarg‘ar.

Imkon va Imkonsizlik haqida maqollar

O‘zing yotiq bo‘lsang, ichganing qatiq bo‘lar.

Pishmagan etni yegali bo‘lmas,
Qaynamagan choyni — ichgani.

Dard filni pashshadek qilar.