Mehnatsevarlik va Ishyoqmaslik haqida maqollar to‘plami

Mehnatsevarlik hamda ishyoqmaslik yani dangasalik haqida eng sara maqollar to‘plami. «Farzandlariga mehnatsevarlikni o’rgatgan odam, ularga meros qoldirgandan ham ko’ra yaxshiroq ta’minlaydi» (Richard Ueytli).

Bersang — olasan,
Eksang — o‘rasan.

Bemehnat hikmat yo‘q.

Gap bilan o‘roq o‘rish oson.

Bo‘lsa hamki qo‘riq yer,
Hosil berar, to‘ksang ter.

Arg‘umog‘im jirtak otdi,
Loyni ko‘rib tappa yotdi.

Ahillik va birdamlik haqida maqollar

Bekorchilik — bemazachilik.

Bo‘ynidan bog‘langan it ovga yaramas.

Birovning bergani — ko‘rgulik,
Mehnatning bergani — to‘ygulik.

Bir ezma topadi, bir — kezma.

Dangasaning vaji ko‘p,
Ohangsizning — avji.

Ahd qilgan baxt topar.

Mehnat qilsang, davron surasan

Hurmat qilsang, hurmat ko‘rasan,
Mehnat qilsang, davron surasan.

Baxt yalqovga begona.

Gap bo‘lsa, paka-paka,
Ish bo‘lsa, cheka-cheka.

Bemaza qovunning urug‘i ko‘p.

Bekorchining hunari — g‘iybat.

Bekor o‘tirguncha, bekor ishla.

Gap — boshqa, ish — boshqa.

G‘ayratsizning yuragi o‘ynar.

Daraxt — havodan, odam — mehnatdan.

Dangasaga ish buyursang,
Otangdan ortiq nasihat qilar.

Gap bilan osh pishmas.

Bog‘bonga tog‘ yarashmas,
Biyobonga — bog‘.

Beli bog‘liqning dili bog‘liq.

Ari zahrin chekmagan,
Bol qadrini bilmas.

Bekorchining beti yo‘q,
Qozon osar eti yo‘q.

Himmat — elning tayanchi,
Mehnat — rohat quvonchi.

Bog‘ni boqsang — bog‘ bo‘lur,
Botmon dahsar yog‘ bo‘lur.

Manmanlik va kamtarlik haqida maqollar

Mehnating — boyliging

Harakating — sog‘liging,
Mehnating — boyliging.

Aravani ot tortar,
Ko‘lankasin — it.

Bimi birov beradi,
Ko‘pni — mehnat.

Bermas tangridan hormas ovchi olar.

Dangasaning saratonda qo‘li sovqotar.

Ahmoqning kulgusi ko‘p,
Dangasaning — uyqusi.

Bor-bor, ishda bor,
Ishlamagan nonga zor.

Bog‘ kimniki — bog‘bonniki.

Birov uchun birov qozon osmas.

Gap bilan shoshma, ish bilan shosh.

Betashvish bosh qayda,
Mehnatsiz osh qayda.

G‘ayratsiz bilak — o‘rinsiz tilak.

Dangasaga ish buyursang

Dangasaga ish buyursang,
senga aql o‘rgatar

Gapni oz so‘zla,
Ishni ko‘p ko‘zla.

Gapga — chechan, ishga — mechan.

Axtargan topar.

Bekordan xudo bezor.

Bozoringni o‘zing qil,
Tegirmoningni o‘zing tort.

Наг kungi vadabozlikdan,
Bir kungi jonbozlik yaxshi.

Bekorchidan — bemaza gap.

Bir qo‘llab eksang,
Ikki qo‘llab o‘rasan.

Baxtingga ishonma, barmog‘ingga ishon.

Boqimsiz bog‘ tog‘ bo‘lur,
Yurak-bag‘ring dog‘ bo‘lur.

Daraxt yaprog‘i bilan ko‘rkam,
Odam — mehnati bilan.

Daryo suvini bahor toshirar,
Odam qadrini mehnat oshirar.

Dangasaning ishi bitmas

Dangasaning ishi bitmas,
yoz kelsa ham qishi bitmas

Bekorchidan el bezor,
So‘zidan ko‘ngil ozar.

Vatanparvarlik va vatan haqida maqollar

Hamma narsaning otasi — mehnat.

Gap desang, qop-qop,
Ish desang — betob.

Boqsang — bog‘, boqmasang — tog‘.

Ayb yilda emas, mehnatda.

Dangasaga bulut soyasi ham yuk.

Ahdi boming baxti bor.

Dangasaga ostona tepa bo‘lib ko‘rinar.

Gap desang, qop-qop,
Ish desang, Ashtarxondan top.

Gap bilguncha, ish bil.

Amaldorlar va din vakillari haqida maqollar

Dangasaning g‘ayrati ish bitganda qo‘zir.

Hurmating — savlating,
Mehnating — davlating.

Bog‘ jamoli — bog‘bondan.

Hozir boshqalar ushbu maqolani o‘qimoqda

1. Ahillik va Birlik haqida maqollar to‘plami
2. Manmanlik va Kamtarlik haqida maqollar to‘plami
3. Vatan va Vatanparvarlik haqida maqollar to‘plami
4. Til va uning ofati haqida maqollar to‘plami
5. Amaldorlar va Din vakillari haqida maqollar to‘plami
6. Faqirlik va Boylik haqida maqollar to‘plami
7. Yil fasllari va Tabiat hodisalari haqida maqollar to‘plami
8. Hayvonlar va Qushlar haqida maqollar to‘plami
9. Yo‘l va Yo‘ldosh haqida maqollar to‘plami
10. Yoshlik va Keksalik haqida maqollar to‘plami