Tejamkorlik va Isrofgarchilik haqida maqollar to‘plami
Isrofgarchilik va tejamkorlik haqida eng sara maqollar to‘plami. Isrof nima, bilasizmi? Isrof so‘zi lug‘atda «chegaradan chiqish» va «bir narsani qasddan unutish» ma’nolarini anglatadi.
Tejab yegan darmonda,
tejamagan armonda.
Pul topish oson,
saqlash qiyin.
Eyishing — kepak,
Kiyishing — ipak.
Asal desang, bir kemir,
Qo‘l tiqsang, ikki kemir.
Boylik ushoqdan yig‘ilar.
Qattiq joyda qoq turar.
Hamma hayitga chiqqanda,
Xumga kirib yotdim.
Kallaklab yoqsang, qirq yilga yetar,
Qo‘porib yoqsang — bir yilga.
Rizq va nasiba haqida maqollar
Er topuvchan bo‘lsa,
Xotin taquvchan bo‘lar.
Otni ayagan ot minar,
To‘nni ayagan to‘n kiyar.
Bo‘ydoqning bo‘ynini bit yer,
Topgan-tutganini it yer.
Mozoring yaqin bo‘lsa ham,
Bozoring yaqin bo‘lmasin.
Yig‘sang — ko‘p, sovursang — oz.
Tanga tiyindan o‘sar,
Yilqi qulundan o‘sar.
Pishirsang, osh bo‘lar,
Pishirmasang, qush bo‘lar.
Tuxumning oqini oqlab ye,
Sarig‘ini — saqlab.
Tiyin qadrini bilmagan so‘m qadrini bilmas.
Tejab yegan darmonda, tejamagan armonda
To‘kilgan tuprog‘i bilan to‘lmas.
Qarovsiz uy — tashlandiq o‘ra.
Suv qattiq yerda to‘xtar.
Yaxshining ko‘hnasi tozaning xizmatini qilar.
Molini quritaman degan pul qilar,
Donini quritaman degan un qilar.
O‘lgan o‘zbekning qo‘ynida noni bor.
Qo‘l tegdi — pichoq tegdi.
Qiz chiqargan uy masjidga o‘xshab qolar.
Ota mulki bo‘lsa ham, ayab ye.
Oq tangang ortiq bo‘lsa,
Qora kuningga saqla.
Kechalab turib yo‘l yursang,
Eltib qo‘yganday bo‘lar.
Eskini eplaguncha, esing ketar.
Pulning onasi — tiyin.
Tejog‘lik ro‘zg‘or — bejog‘lik qo‘g‘irchoq.
Qozonga kirgan qaytib qopga kirmas.
Pul topish oson, saqlash qiyin
Oshni ayasang — oshga,
Nonni ayasang — nonga.
Ortiqcha mol ko‘z chiqarmas.
O‘tin yormaganga o‘tin yoqtirma.
Toma-toma ko‘l bo‘lar,
Oqa-oqa sel bo‘lar.
Samaradorlik va besamarlik haqida maqollar
Hamyonini qadrlagan hisobini puxta qilar.
Yig‘sang yetasan, sovursang ketasan.
Toma-toma ko‘l bo‘lar,
Tommay qolsa, cho‘l bo‘lar.
Ikki yarim — bir butun.
Bozori yaqin boyimas.
Pul bo‘ldi — kul bo‘ldi.
Sog‘ib ichsang, ming kunlik,
Sotib yesang, bir kunlik.
Biya, topib beradi tuya.
Ortib qolsa qozonda,
Isitib yersan azonda.
Usta ovchi chumchuqqa o‘q otmas.
Don ayagan donga yetar,
Non ayagan — nonga.
Tejagan terga tushmas
Qora pulni qora kunga saqla.
O‘rdak yesang, g‘oz bog‘la.
Daryo-daryo qabul qil,
Tomchi-tomchi yubor.
Yangini eski saqlar.
Birin-birin ming bo‘lar,
Toma-toma ko‘l bo‘lar.
Bugun yedim — yetdim,
Erta yedim — o‘tdim.
Uyligini topmagan to‘yligini to‘zdirar.
Yozsam kaftimda bo‘lar,
Yig‘sam — mushtumda.
Pul to‘plasang, kul bo‘lar,
Somon to‘plasang, pul bo‘lar.
To‘kilgandan tomchilagan yomon.
Ozni beja, ko‘pni teja.
Qirib yesang, qirq kunga yetar,
O‘yib yesang — o‘n kunga.
Kam-kam yesang, doim yersan,
Ko‘p-ko‘p yesang, neni yersan.
Tovuqni yesang, bir yeysan,
Tuxumini yesang, ming yeysan.
Choyning oxirini otangga ham berma.
Pulni topgan xarjlasin
Er qoplar, xotin saqlar.
Sanoqli mol yo‘qolmas.
Bahona va sabab haqida maqollar
Ayol so‘m qilar, erkak — chaqa.
Soqoling chiqmay pul topsang,
Otang berganday bo‘lar.
Dalaning ko‘kiga ishonguncha,
Otangning go‘riga ishon.
Qish kiyarin yoz kiysa,
G‘arib qaydan boyisin.
Eskisiz yangi bo‘lmas.
Olaversang, yengil bo‘lar,
Solaversang — og‘ir.
Yaxshi o‘g‘il biylar ota molini,
Yomon o‘g‘il sochar ota molini.
O‘tin yig‘sang, pul bo‘lar,
O‘tga yoqsang, kul bo‘lar.
Holingga qarab hissa qo‘sh.
To‘qlikda ochlikni o‘yla,
Boyiganda — muhtojlikni.
O‘g‘il uylantirganga o‘n yil,
Qiz chiqarganga qirq yil yondashma.
Har kuni yema palovni,
Har kuni yoqqin olovni.
Tejamaganni tagi tang
Qiz asray olmagan tul qilar,
Jun asray olmagan qil qilar.
Pulni pul topar.
Yamasang, yangi bo‘lar,
Yangming tengi bo‘lar.
Donni yiqqan donodir.
Tejog‘lik ish — bejog‘lik ish.
Oltida yig‘sang, oshadi,
Ettida yig‘sang, yetadi.
Bir boshoq don —
Bir savat non.
Hisobini bilgan — bir yil yetim,
Hisobini bilmagan — o‘lguncha yetim.
Farosat va farosatsizlik haqida maqollar
Hisobini bilmagan hamyonidan ayrilar.
Torta-torta yesang, toy orttirasan,
Qo‘ya-qo‘ya yesang, qo‘y orttirasan.
Qo‘ling moy bo‘lsa, boshingga surt.
Chumolining bir yil yiqqani —
Tuyaning bir yutgani.
Qishligini topmagan yozligidan ayrilar.
Hozir boshqalar ushbu maqolani o‘qimoqda
- Rizq va Nasiba haqida maqollar to‘plami
- Samaradorlik va Besamarlik haqida maqollar to‘plami
- Bahona va Natija haqida maqollar to‘plami
- Farosat va Farosatsizlik haqida maqollar to‘plami
- Andisha va Andishasizlik haqida maqollar to‘plami
- Samimiylik va Nosamimiylik haqida maqollar to‘plami
- Xushomad va G‘urur haqida maqollar to‘plami
- Or-nomus va Obro‘ haqida maqollar to‘plami
- Totuvlik va Ahillik haqida maqollar to‘plami
- Barqarorlik va Beqarorlik haqida maqollar to‘plami