Bolalar uchun sara sherlar to‘plami

Bolalar uchun eng sara sherlar to‘plami. Bolalik! Naqadar beg‘ubor, sershovqin, qiziquvchanlig-u soddadillikka to‘la umr fasli bu. Bolalikni bahor fasliga o‘xshatadilar. Haqiqatan ham bolalik o‘zining barcha xislatlari bilan bahorni eslatadi.

Vatanim O’zbekiston!

Vatanim O’zbekiston!
Yurtboshimdir mehribon.
Mustaqil bolalarmiz,
Yurt gulu lolalarimiz.

Meni sevgan elimsan
Iftixor, g’ururimsan!
O’zbekiston bu bo’ston,
Bo’ston hamda guliston.

Yashnar O’zbekistonim,
Ona yurt jon jahonim.
Tug’ilib o’sgan joyim,
O’zbekiston Turonim!

Yulduzlar haqida sherlar to‘plami

Xayr bog’cham

Xayr bog‘cham, gul bog‘cham,
Bag‘ri to‘la nur bog‘cham.
Xayr o‘yinchoqlarim,
Chelakchamu kurakcham.

Xayr g‘uv-g‘uv mashinam,
O‘rtoq bo‘lganding sen yuam,
Maktab yoshiga yetdim
Endi o‘qiymiz biz ham.

Ilk yoshimda bag‘ringda,
Ardoqlading bog‘chajon.
Sening qaynoq mehringdan
O‘ynab kuldim har qachon

Quchog‘ingdan ketaman,
Ardog‘ingdan ketaman.
Seni o‘ylayman har dam
Xayr mehribon bog‘cham.

Maktab sari

Yetti yoshga toʻldim men,
Maktab sari keldim men.
Salom maktab, jon maktab,
Quchog‘ingga ol, maktab.

Ozim yaxshi bolaman,
Eng a’lochi boʻlaman,
Ona Vatan dilbandi,
Istiqlol farzandiman.

Erkalik va sho‘xlikni,
Tashlab keldim bog‘chaga.
Barcha o‘yinchog‘imni,
Terib qoʻydim tokchaga.

Odob va tarbiyani,
Oldim ota onamdan.
Endi bilim koniga,
Yuray shu ostonadan.

Faqat «besh» baho bilan,
Daftarimni toldiray,
Hur, goʻzal diyorimga,
Munosib farzand boʻlay.

Bolalar haqida sherlar to‘plami

Maktabim

Jonajonim maktabim,
Qadrdonim maktabim,
Xuddi uyimdek aziz,
Oshiyonim maktabim.

Har kun tongda shoshaman,
Sinfdan sinfga oshaman,
Bilimga qo’shib bilim,
Daryolardek toshaman.

Muallimlar mehribon,
O’rgatar olam jahon.
Doim faxr etaman,
Maktabim, sen onajon!

Tandir to‘la nonlarning

Tandir to‘la nonlarning,
Pishmoq sirin o‘ylayman.
Non yopilgan tandirga,
Shoshilmasdan bo‘ylayman.

Biram issiq — gumbaz cho‘g‘
Kuydirgudek yuzimni.
Darrov ortga qaytaman,
To‘sgancha qosh-ko‘zimni.

Onajonim qo‘llari,
Nonni uzar saralab,
So‘ngra yupqa suv separ,
Savat uzra sevalab…

Qora Mushukcha

Oyi, qora mushukchaga,
Popuk taqib qo‘yaylik.
Oyi, qora mushukchani,
Oppoq rangga bo‘yaylik.

Shunda qora mushukchani,
Quvmas daydi bolalar.
“Falokatning belgisi” deb,
Atamaydi xolalar.

Hamma uni ko‘rgan oni,
Deydi: “Buncha chiroylik!”
Oyi, qora mushukchani,
Oppoq rangga bo‘yaylik.

Quyosh haqida sherlar to‘plami

Kitob o’qigan bola

O‘rganar avval odob,
Kitob o‘qigan bola.
Yuzi bo‘ladi oftob,
Kitob o‘qigan bola.

Hurmat qilar kattani,
Kichiklar jon-u tani,
Bajaradi va’dani —
Kitob o‘qigan bola.

Suhbati xo‘p serma’no,
Yurish-turishi a’lo.
Olar faqat “besh” baho
Kitob o‘qigan bola.

Svetafor

Men agarda yonsam qizil,
Yo‘lda aslo qilmang hazil.
Taqqa to‘xtang shosha ko‘rmang,
Joyingizda aslo jilmang.

Sqriq ko‘zim chaqnaganda,
Hushyor bo‘ling o‘sha onda.
Qolmangiz deb mahtal bo‘lib,
Yashil ko‘zim chaqnar kulib.

O‘tavering yo‘l keng ochiq,
Turay sizga shu‘la sochib.
Porloq bo‘lsin yo‘llaringiz,
Nurga to‘sin dillaringiz.

Buvijonim

Biznikiga mehmonga,
Buvijonim keldilar.
Menga juda-juda ko’p,
Sovg’a olib keldilar.

Rahmat sizga buvijon,
Sizni yaxshi ko’raman.
Sizni qattiq quchoqlab,
Birga mazza qilaman.

Oy haqida sherlar to‘plami

Dadajon

Dadamning kuchlari ko’p,
Ular hammadan dono,
Dadamga men deyman «ho’p»,
Gap qaytarmayman aslo.

O’qish

She’r, hikoya, ertakni,
Hech qiynalmay o’qiymiz.
O’qib bo’lgach albatta ,
O’qiganni uqiymiz.

Matematika

Matematika darsi,
Hisob-kitoblar bahsi.
To’rt amal bilmoq uchun,
Tinglamoq kerak yaxshi.