Sochni yaxshi parvarishlash va kam yuvish uchun nima qilish kerak?
Yog‘li sochlar — bu hal qilish unchalik oson bo‘lmagan muammo. Siz jingalak sochlaringiz jilokor va toza ko‘rinishi uchun tez-tez yuvib turasiz, biroq ortiqcha yuvish, aksincha soch tolalarida ko‘proq yog‘ning chiqishiga olib kelishi mumkin.
Sochni fen bilan quritish unda ortiqcha yog‘ qoldirishi ham mumkin, shuning uchun uni ochiq havoda quritgan ma’qul. Sochni ochiq havoda quritish uzoq vaqt talab qilishi mumkin, biroq jarayonni tezlashtirishning oddiy usullari mavjud. Masalan, sochni yuvgandan so‘ng, uchlariga moy emas, konditsionerni qo‘llang, chunki u sochlarga yangi ko‘rinish beradi va quritish vaqtini qisqartiradi.
Aksariyat shampunlarda sulfat kislota tuzlari mavjud bo‘lib, ular bosh terisini haddan tashqari tozalaydi va quritadi. Sulfatli shampunni dastlabki bir necha marta qo‘llaganingizdan so‘ng, sochlaringiz chiroyli bo‘lib ko‘rinishi mumkin, biroq vaqt o‘tishi bilan bosh terisi quruqlikni qoplash uchun ortiqcha yog‘ hosil qila boshlaydi.
Yog‘ni minimal darajada ushlab turish uchun bosh terisi va sochlaringizni yog‘dan ketkizmasdan, soch tolalarini tozalaydigan yumshoq, sulfatsiz shampunlarni tanlang. Shunda sizning jingalak sochlaringiz kuchli va sog‘lom bo‘ladi.
Taroqlarni muntazam tozalang
Toza bo‘lmagan taroq yoki sochni dazmollashda ishlatiladigan vositalar, jumladan, tekislovchi, jingalak qiluvchi yoki boshqa turmaklarni qilishda foydalaniladigan texnikalar sochlarga yog‘ va kirni yoyishi mumkin. Yog‘, kir va chang to‘planishidan xalos bo‘lish uchun kamida oyiga bir marta tarog‘ingizni yuving.
Shampuningizning pH qiymati 5,5 dan oshmasligiga e’tibor bering. Bu kabi shampunlardan foydalangandan so‘ng sochlar juda quruq bo‘lmaydi va teri yo‘qolgan yog‘ni to‘ldirish uchun ortiqcha yog‘ ishlab chiqarmaydi.
Sochingizni yuvganingizda quruq shampundan foydalaning
Agar har kuni sochingizni yuvishni istasangiz, sochlaringiz juda yog‘li bo‘lsa, bu istak bilan kurashing va ularni kamroq yuvishga harakat qiling. Bu g‘ayrioddiy tuyulishi mumkin, biroq sochingizni qanchalik kam yuvsangiz, shunchalik yaxshi ko‘rinadi. Agar shampunlar orasidagi intervalni uzaytirish kerak bo‘lsa, sochlaringiz yanada toza ko‘rinishi uchun soch ildizlarga ozgina quruq shampun surting.
Shampunni qo‘llaganingizdan keyin to‘rtinchi kun sochingizni olma sirkasi va iliq (issiq emas) suv bilan yuving. Bu sochingizning pH muvozanatini tiklash va bosh terisini kirlardan tozalash uchun yetarli darajada kislotali, biroq soch tolalarini muhim oziq moddalardan mahrum qilmaslik uchun yetarlicha yumshoq qiluvchi usul hisoblanadi. Bundan tashqari, olma sirkasi bo‘yalgan sochlar uchun juda yaxshi.
Kislotalikni muvozanatlash uchun ikki-uch osh qoshiq olma sirkasini bir shisha suv bilan aralashtirish kifoya. Dush qabul qilayotganda, sochlaringizga olma sirkasi eritmasini surting, soch ildizlarigacha o‘tkazing va yuving. Ushbu muolajadan so‘ng sochlaringiz ajoyib darajada yumshoq va porloq bo‘ladi.
