Maqsadlar tezda amalga oshmasligining asosiy 10 sababi

Aslida, hayotda biror maqsad bilan yashashning o‘zi — baxt. Maqsadsiz yashash shunday ko‘rgilikki, u hech kimning boshiga tushmasin! Kishida maqsad bo‘lsa, unga erishish yo‘lida kurashish, mashaqqat chekish, ta’na-dashnomlar eshitib kuyib-yonib yurish ham — baxt. Degan edi taniqli oʻzbek shoiri, dramaturgi, adabiy tarjimoni va davlat arbobi Erkin Vohidov.

Maqsadlar amalga oshmasligining sababi

Maqsadingiz va rejalaringiz amalga oshmayapdimi? Ushbu muammolarni bartaraf etish uchun tashlashimiz kerak bo’lgan 10ta qadam haqida gaplashamiz.

1. Qat’iyatli qarorlardan ko‘ra o‘zni oqlash, bahona va ma’suliyatsizlik. Insonlar o‘ziga bo‘lgan past bahoni yashirish maqsadida omadsizlik va jur’atsizliklarini oqlashga urinishadi. Afsuski bu faqat vaziyatni og‘irlashtiradi. Har qanday qiyinchilikka tik boqib, oldinga harakat qilish zarur.

2. Shunchaki maqsad sari «yurish» qilishmaydi. Odatda buning uchun dangasalikni bahona qilib ko‘rsatishadi. Dangasalik-bu sabab emas, bu – xulosa. O‘zini yolg‘on taskinlar bilan tinchlantirish, go‘yoki orzular o‘z o‘zidan ushalishi kerakday.

Maqsadni to’g’ri qo’yish hamda unga erishish usullari

3. Qo‘rquv. Harakatlar natija bermasligidan hadiksirash. «Shuncha harakatim zoye ketsachi… » Aynan shu qo‘rquv sizni maqsad sari yo‘ldan chalg‘itadi. Ichingizdagi qo‘rquvni yenga olsangizgina nimagadir erisha olasiz.

4. Ko‘pchilik maqsadlarini so‘nggi natijasini ko‘z oldiga keltirmaydi

Maqsadlarini so'nggi natijasini hisoblamaydilar

Kecha ro‘y bergan oddiy bir holatni ko‘z oldingizga keltiring. Endi esa qilishingiz mumkin bo‘lgan lekin qila olmagan ishingizni eslang. Endi esa bu ikki holatning o‘zaro farqiga e’tibor bering. Qay biri sizni o‘ylantiryapti? Bo‘lib o‘tgan ishmi yoki bajarilmay qolgani? O‘tib ketgan vaziyat uchun kuyinar ekansiz – nimaiki maqsad qilmang u natijasiz qolaveradi.

5. Yetarlicha xohish istakning yo‘qligi. Maqsadlar quyidagi formatda qo‘yiladi. «Xohlardim», «Istagan bo‘lardim». Ushbu ishonchsizlik va qat’iyatsizlik orzular parvozini yo‘qqa chiqaradi. Har birimizda mavjud bo‘lgan cheksiz imkoniyatlarni bloklab qo‘yadi. Siz chin dildan istagan istaklargina ijobat bo‘ladi!

Baxtli yashash siri hamda aniq tavsiya va maslahatlar

6. Eng siyqasi chiqqan sabab bu maqsadlarni aniq qo‘yilmagani. Oramizda hali ham maqsadlarni aniq rejalashtirish mumkinligini bilmaydigan insonlar bor. Bu muammoning asl negizi – tarbiyada. Agar oilada oldiga maqsad qo‘yish rejalashtirilmasa, farzand «qanday bo‘lsa shunday yashash» shabloniga ko‘nikadi.

7. Insonlar maqsadga erishib bo‘lmaydi deb o‘ylashadi

Ko'pchilik maqsadga erishib bo'lmaydi deb hisoblaydi

Orzulari haqiqatdan juda yiroqda, puch va ushalmas bo‘lib tuyiladi. Oldiga maqsad qo‘yishdan cho‘chishadi. «Ushalmas orzular deb o‘zimni aldab nima qildim, baribir o‘xshamaydi». Shu tariqa o‘zlaridagi bor imkoniyat va ishonchni «o‘ldirishadi».

8. Maqsad sari harakat qilishadi, lekin unga yetisha olishiga ishonishmaydi. Ular o‘zlarini har xil bahona va vajlar bilan aldashadi. «Menda bu maqsadlar uchun yetarli darajada imkoniyat yo‘q», «Qo‘limdan kelmaydi», «Sharoitimga to‘g‘ri kelmaydi».

9. Maqsadlar noto‘g‘ri qo‘yilgan: noaniq, mujmal, maqsadga erishish muddati aniq belgilanmagan, aniq reja yo‘q. Bu yerda insonlarning maqsad sari qo‘ygan jamiki xatolari mujassamlashgan.

Tushkunlikdan qutulishga yordam beruvchi samarali 15 usul

10. O‘z orzu niyatlariga munosib ekanliklariga ishonishmaydi. Har kim ham o‘z maqsadlariga erishishi mumkin, lekin buning uchun o‘zini munosib hisoblamaydi. «Men hech kimga kerak emasman», «Men bunga loyiq emasman, chunki», «Menga nimadir yetishmaydi, men shu omadsizlikka loyiqman». Shu kabi bahonalar bilan o‘zini chalg‘itadi.

Endi aytingche, ushbu maqoladagi berilgan tavsiyalardan kelib chiqgan holda, o’zingiz uchun nima rejalarni amalga oshirishni maqsad qildingiz? Buni izohda yozib qoldirishingizni kutamiz!

UzBaza.uz

Barcha mavzularga doir qiziqarli va foydali maqolalarni o‘z ichiga sig‘dira olgan ma‘lumotlar bazasi.

  1. Umida:

    Qat’iyatli qarorlardan ko‘ra o‘zni oqlash, bahona va ma’suliyatsizlik. Manashu bizni maqsadlarimizga erishishdan to’sib turadigan omillardan biri deb o’ylayman.

Fikringizni bildiring

Mavzuga doir fikringizni imkon qadar batafsilroq bayon eting!