Tutun, Chiroq va Olov haqida topishmoqlar javobi bilan

Olov, Chiroq hamda tutun haqida eng sara va qiziqarli topishmoqlar to’plami barcha yoshdagi insonlar, o’quvchilar, kattalar va bolalar uchun.

Tutun va Olov haqida topishmoqlar

1. Miltillaydi ko‘zlari,
Mo‘ltillaydi yoshlari.

2. Bir bosh bug‘doy uy to‘ldirar.

3. Uyog‘i devol,
Bu yog‘i devol,
O‘rtasida o‘lik ilon.

4. Ko‘k otim qo‘yivordim,
Qizil otim olib qoldim.

5. Changaroqdan uchib chiqadi,
Qarasa, ko‘zni ko‘r qiladi.

Uy asbob anjomlari va buyumlari haqida topishmoqlar

6. Taq etdi, taqolon ketdi,
Otasi etigini kiyguncha
Bolasi bog‘lon ketdi.

7. Qilich uchi qaltiroq.

8. Kichkinagina sandiqcha,
Ichi to‘la mixcha.

9. Nur buva,
Usti boshi kir buva.

10. Ko‘zining yoshi oyog‘iga dori.

11. Oyoqsiz, qo‘lsiz tomga chiqadi.

12. Yalt-yalt etadi,
Yamlab ketadi.

13. Uy ortida qora tuya o‘lib yotir,
Ichak-chavog‘i oqib yotir.

Uy jihozlari va anjomlari haqida topishmoqlar

14. Kichkintoygina kelinchak,
Boshida bor tugunchak.

15. Otasi arava qo‘shgancha,
O‘g‘li Qo‘qon boribdi.

16. Ko‘k ho‘kiz oldin chiqar,
Qizil ho‘kiz quvib chiqar.

17. O‘zining badanini o‘zi yeydi.

18. Ko‘k otim ko‘kka qarab yo‘rg‘alaydi.

19. Xirmoni katta,
Doni yo‘q.
Dastori katta,
Noni yo‘q.

20. Oyog‘i yo‘q qochadi,
Qanoti yo‘q uchadi.

Mehnat va ish quroli haqida topishmoqlar

21. O‘zi qovoq,
Boshida tovoq,
Og‘zida karnay,
Tunlari hay-hay.

22. Qorongi tomda bir kampir,
Sochini yoyib o‘tiribdi.

23. O‘zi uzun, oriq,
Sallasi sariq.

24. Uzundan uzoq,
Havoga tuzoq.

25. Hovuz,
Hovuz ichida suv,
Suv ichida ilon,
Ilonning og‘zida o‘t.

26. Bir tovoq qizil olma,
Ushlamoqqa hadding borma.

27. Qizil sigir qora sigirning qornini yalaydi.

Oziq ovaqtlar va yeguliklar haqida topishmoqlar

28. Bir savat anor,
Hadding bo‘lsa ol.

29. O‘z qonini o‘zi ichar.

30. Men ajoyib bir askar ko‘rdim,
Boshi uzra quvvati.
Ko‘p qavatli, yo‘q qadri qimmati,
Suvli yerni aslo bosmas,
Cho‘lni poymol qilmay qo‘ymas.

UzBaza.uz

Barcha mavzularga doir qiziqarli va foydali maqolalarni o‘z ichiga sig‘dira olgan ma‘lumotlar bazasi.

Fikringizni bildiring

Mavzuga doir fikringizni imkon qadar batafsilroq bayon eting!