Hayot tarzi boshqalardan butunlay farq qiladigan xalqlar

Gohida ularning hayoti ilmiy-fantastik romanlar parchalaridan olingandek tuyuladi. Afrikada erkaklar o‘rtasida go‘zallik tanlovlari o‘tkazadigan bir qabila bor.

Ishtirokchilar yorqin ranglarda bo‘yanib, chiroyli kiyinadi, qizlardan iborat hakamlar hay’ati ularning eng yaxshilarini tanlaydi. Kavkazdagi tog‘li qishloqda esa dunyodagi eng baxtli odamlar yashaydi.

Moso nutqida «ota» va «rashk» so‘zlari yo‘q

Moso nutqida uchramaydigan so'zlar

Xitoyda yashovchi bu xalq ham matriarxal sifatida tasvirlanadi. Farzandga sulolalar urug‘-aymoqchiligi ona nasli orqali o‘tadi. Moso nutqida ishlatiladigan so‘zlar ichida “ota” va “rashk” so‘zlari yo‘q. Kuzatishlar ayollarning erkaklarga qaraganda jismoniy jihatdan kuchliroq ekanligini ko‘rsatdi.

Ba’zi ma’lumotlarda Moso erkaklarining hech qanday vazifasi yo‘q, ular kun bo‘yi dam olishadi, deyilgan. Biroq bu mutlaqo noto‘g‘ri: ular mol boqadi, baliq ovlash, yer haydash bilan shug‘ullanadi, hatto ibodat qilib, qurbonlik marosimlarilarda qatnashadi.

Shifokorlarni sarosimaga tushirib qo‘ygan noyob tashxislar

Hinaluqlar dunyodagi eng baxtli odamlar

Dunyodagi eng baxtli odamlar

Hinaluq xalqi Ozarbayjonning baland tog‘larida uchraydi. Bu etnik guruh vakillari asosan dengiz sathidan 2 ming metrdan ortiq balandlikdagi Hinaluq qishlog‘ida yashaydi.

Ular Nuh alayhissalomning kemasi to‘fondan keyin aynan shu yerda qo‘ngan, degan afsonaga ishonishadi va o‘zlarini Nuhning bevosita avlodlari deb hisoblaydi.

Hinaluqliklar juda yakkalanib yashaydi va faqat o‘z qabiladoshlari bilan turmush qurishga harakat qiladi. Asosiysi, ular o‘zlarini dunyodagi eng baxtli odamlar deb bilishadi.

«Kxasi» bu sirli xalq Hindistonda yashaydi

Kxasi xalqi hindistonda yashaydi

Bu sirli xalq Hindistonda yashaydi. Kxasi matrilineallik (onalik nasli)ni saqlab qolgan: to‘ydan keyin er yashash uchun xotinining uyiga keladi, mulk esa oiladagi kenja qizga meros bo‘lib o‘tadi. Nikohlar va ajrashishlar o‘zaro kelishuv asosida va juda oson hal etiladi. Er-xotin ajralgan taqdirda erkak onasining uyiga qaytadi.

Bashorat so’ngra haqiqatga aylangan yozuvchilar asarlari

«Korovaylar» bu xalq kannibalizm bilan shug‘ullangan

Korovaylar xalqi kannibalizm bilan shugullangan

Yangi Gvineyada yashovchi papuaslarning bu etnik guruhi o‘z uylarini 50 metr balandlikdagi daraxtlarda qurish bilan mashhur. Ular hali ham tosh asrida yashaydi: metalldan foydalanmaydi va qishloq xo‘jaligi haqida deyarli ma’lumotga ega emas. 1970 yillargacha korovaylar yaqin atrofdagi qo‘shni qabilalaridan boshqa hech kim bilan aloqada bo‘lmagan, ular hatto dunyoda boshqa xalqlar yo‘qligiga shubha ham qilmagan.

Bu xalq kannibalizm bilan shug‘ullangan. Antropologlarning fikriga ko‘ra, o‘tmishning bu qoldig‘i hozirda yo‘q qilingan. Biroq xalq vakillari sayyohlarni jalb qilish uchun qadimgi an’analar hali ham saqlanib qolganligi haqidagi afsonani faol qo‘llab-quvvatlaydi.

Alisher Navoiy haqida qiziqarli malumotlar

«Vodaabe» dunyodagi eng jozibali xalq

Vodaabe dunyodagi eng jozibali xalq

Bu elat Markaziy Afrikada yashaydi va o‘zini dunyodagi eng jozibali xalq deb biladi. Bundan tashqari? birinchi navbatda bu yerdagi erkaklar uchun tashqi go‘zallik juda muhim.

Vodaabening Gerevol nomli festivali bor, unda yorqin bo‘yangan, rang-barang patli libos kiygan yigitlar o‘zlarining tashqi fazilatlarini ta’kidlab, qabila ayollarida yaxshi taascurot qoldirish uchun raqsga tushishadi.

Shu bilan birga Vodaabe vazminlik va kamtarlikni juda qadrlaydi. Masalan, kunduz kuni er va xotin odamlar oldida bir-birining qo‘lini ushlash u yoqda tursin, hatto gaplashishi mumkin emas.

  1. Jasur:

    Barchaga salom. Bu malumotlar meni juda hayratga soldi. Barchaga omad tilayman. Saytga gap yo’q.

Fikringizni bildiring

Iltimos ushbu maqolaga doir fikr-mulohazangizni imkon qadar batafsilroq bayon eting 😀