Farzandlarga uy tozalashni o‘rgatishni 8 eng oson usuli
Uyni toza saqlash qobiliyati eskirmaydigan sanʼatdir. Shubhasiz, zamonaviy texnologiyalar va maishiy texnikaning rivojlanishi hayotimizni osonlashtiradi.
Lekin, hatto robot changyutgichlar va chiroyli idish-tovoq yuvish mashinalari ham buvilarimiz ega bo‘lgan oddiy “nayrang”lar va tozalash ko‘nikmalarining o‘rnini bosa olmaydi.
Lampochkalarni changdan tozalang — Lampochkalar ko‘pincha tozalash vaqtida unutiladi! Lekin ular o‘ziga chang tortadi va changli lampalar qorayadi, kamroq yorug‘lik tarqatadi. Stol chiroqlari, pol lampalari, shamchiroqlar va qandillardagi lampochkalarni o‘chirilgan vaqtda quruq yumshoq mato bilan artib oling.
Yuvish o‘rniga — changyutgich — Obdon yuvish uchun ilgaklardan pardalarni yulib olish haqiqiy bosh og‘riqdir. Baʼzan ularni changyutgich bilan tozalashga harakat qilishingiz mumkin. Pardalar changyutgichga kirib ketmasligi uchun changyutgich cho‘tkasiga neylon paypoq bog‘lang. Bu keyingi yuvishgacha vaqtni uzaytirishga yordam beradi.
Tish pastasi faqat tishlaringizni tozalash uchun emas — Tish pastasi uy atrofidagi ko‘p narsalarni, masalan, devor va poldagi dog‘larni tozalashi mumkin. Uni kumush taqinchoqlarni tozalash uchun ishlatsa bo‘ladi. Buning uchun tish pastasi va maxsus tish cho‘tkasini oling. Ular yordamida uydagi eng qiyin joylarda dog‘larni tozalay olasiz.
Har doim uyda oq sirka saqlang — Bu tabiiy suyuqlik tozalash vositasi barcha uy bekalari uchun ajoyib yordamchidir. Agar siz uni ozgina isteʼmol sodasi bilan aralashtirsangiz, matodagi dog‘lar uchun ajoyib vositaga ega bo‘lasiz. Ushbu yechim yordamida bolalar qo‘lidagi flomaster va sharikli ruchkalar dog‘larini o‘chirishingiz mumkin. Yoki muzlatkichni tozalash va derazalarni artish uchun undan foydalaning.
Mehmonlar uchun toza burchak — Baʼzida uyingizga kelgan mehmonlar biror kunga yotib qolishadi. Mehmonxonangiz bo‘lmasa ham, mehmon uchun burchak tayyorlanishi kerak: qatlanadigan divan yoki kreslo va, albatta, yangi choyshablar to‘plami. Uyda bir martalik yangi tish cho‘tkalari bo‘lishi mehmonlar uchun juda yoqimli.
Uydagi hamma narsa yoqimli hidga ega bo‘lsin — Bugungi kunda barcha holatlar uchun spreylar mavjud, buyumning ustiga seping va yangi hid kafolatlanadi. Bizning buvilarimiz bu maqsadlar uchun quritilgan o‘tlar solingan paketlardan foydalanganlar.
Nega biz ularning tajribasidan foydalanmaymiz, hech bo‘lmasa yangicha talqinda? Choyshablar, sochiqlar, kiyim-kechak va poyabzallarga ajoyib hid qo‘shish uchun qog‘oz choy paketlaridan foydalaning. Ularni quritilgan lavanda bilan to‘ldiring va paketni yopish uchun ularni dazmollang.
Keyin ularni kichkina matoli qopchaga joylashtiring, ochiq uchini tikib qo‘ying yoki bog‘lang va kiyimingizni yuklangan quritgichga to‘g‘ridan to‘g‘ri qopchalarni tashlang.
Har doim narsalarni dazmollang — Va buni yaxshi bajaring. Farzandingiz kollejdagi suhbatga g‘ijim ko‘ylak kiyib borsa, ulardan ijobiy xulosa olishi dargumon. Farzandlaringizga dazmollashni va bug‘ning kuchini tushunishni o‘rgating. Yoqalarni kraxmallash va burmalarni tekislash kerakligini bilishlari muhimdir.
Ular yuvishdan oldin narsalarni nafaqat rangi bo‘yicha saralashni, balki narsalardagi yorliqlarni o‘qishni ham o‘rganishlari bir xil darajada muhimdir: nima va qanday haroratda yuvish va dazmollash mumkin? Yuvgandan keyin ikki o‘lchamdagi kichkina ko‘ylak olishning o‘zi quvonish uchun yetarli emas! Kamroq dazmollash kerak bo‘lishi uchun qanday yuvish kerakligini bilish lozim.
Yuvishdan oldin kirlarni ehtiyotkorlik bilan saralang va tekshiring — Juda uzoq vaqt talab qilsa ham. Kir yuvish mashinasiga kvitansiyalar, qog‘oz salfetkalar, pullar va qalamlar kabi qiruvchi narsalar tushmasligi uchun har kir yuvishga tayyorlanayotganda shim va jinsi shimlaringiz cho‘ntaklarini ichkariga qaytarishni o‘rganing.
Bo‘yalib ketishning oldini olish uchun faqat o‘xshash rangdagi narsalarni yuving. Va agar oq kukun yuvishdan keyin qora kiyimlarga yopishib qolsa, ularni tozalash uchun yopishqoq tasma yordam beradi.
Yana bir muhim yuvish siri: sviter va trikotaj kiyimlarni siqmasdan yuving, so‘ng ularni sochiq ustiga qo‘ying va o‘rang. Sochiq suvni o‘ziga singdirganda, trikotajni quritish uchun tekis yuzaga qo‘yishingiz mumkin.
Maslahatlaringiz uchun rahmat, zo’r maslahatlar berilgan, hamma ota onalarga tavsiya etib qolaman.