Tibbiyot xodimlari bu borada ro‘yxatning avvaliga ko‘katlarni qo‘yadi. «Ko‘katlarda ko‘p miqdorda kaliy mavjud. Bu asab to‘qimalari sog‘lig‘ini saqlash uchun foydali», deyishadi ular.
Anor — Bu meva ham asab hujayralarini himoya qiluvchi kuchli antioksidant hisoblanadi.
Banan — Ko‘katlardan keyin aynan banan asablarni sog‘lom saqlash va ruhiy tushkunlik vaqtida tinchlanish uchun zarur bo‘lgan V guruhi darmondorlariga boy, deyishadi tibbiyotchilar. Banan asab impulslari to‘g‘ri uzatilishi uchun «javobgar». Bu eng mashhur antidepressant mahsulot bo‘lib, surunkali charchoq va lanjlikda qo‘l keladi.
Banan tarkibida «baxt gormoni» — serotonin, shuningdek, «uyqu gormoni» — melotonin ajratadigan moddalar bor. Ular kayfiyatni ko‘taradi, uyqu sifatini yaxshilaydi, depressiyaning oldini oladi.
Bodom — V2, Ye darmondorilari hamda rux, magniy moddalariga boy. Bu moddalar serotonin ishlab chiqarishda ishtirok etadi. Avvalgi ma’lumotlarimizda serotonin moddasi insonga baxtiyorlik hissini berishi haqida o‘qigan bo‘lsangiz kerak.
Shuningdek, u kishida vahima tuyg‘usini bartaraf etishi, uyquni me’yorga solib, ovqat hazm bo‘lishiga yordam berishi bilan ham foydali. 30 gramm bodom iste’moli asabning bir kunlik oziqlanishi uchun yetarli ekan.
Ko‘k choy — Choy antioksidantlar va flavonoidlari ruhiy zo‘riqishga qarshi ta’sirga ega. Bundan tashqari, choy ichish jarayonining o‘zi ham xotirjamlik tuyg‘usini beradi — buni meditatsiyaning bir turi deyish mumkin.
Avakado — Bu meva tarkibida sog‘lom yog‘lar va mikroelementlar, shu jumladan xolin (qon tomirlarini tozalovchi va asab tizimini qo‘llab-quvvatlovchi) mavjud.
Zig‘ir — Uning urug‘lari shikastlangan asab hujayralarini himoya qiladi va ularning tiklanishiga yordam beradi.
Sitrus mevalar — Ulardagi C darmondorisi asab tizimi faoliyatida muhim rol o‘ynaydi.
