Shaxsiy rivojlanish uchun eng sara 7 kitob

Inson jamiyatda o’z o’rnini topib, karyerada, oilada muvaffaqiyat qozonishi uchun o’z-o’zini shaxsiy rivojlantirishda doimo harakatda bo’lishi zarur. Biz maktabda o’qiydigan chog’imizda uy vazifalarini yomon baho olmaslik uchungina bajaramiz.

Ulg’ayganimiz sari hech qanday ma’lumotga ega bo’lmaganimiz uchun afsuslanamiz va yangi narsalarni o’rganishni, dunyoqarashimiz kengayishini orzu qilamiz. Vaqt, pul va kuchni har qanday treninglar va malaka oshirish kurslariga sarflaymiz.

Shunday insonlar borki, ular ortiqcha xarajatlarsiz kitoblardan foydalanib o’zining yuqori marralarga erishishi uchun kuch sarflaydilar. Siz ham o’zingizni rivojlantirishni istasangiz, Prep.uz muharriri bunda sizga yordam beradi va eng yaxshi kitoblarni taklif etadi.

Mashhur insonlar qaysi universitetda o‘qigan?

Muvaffaqiyat uchun vaqtingiz bor — Xulio Melara

Xulio — amerikalik tadbirkor va mashhur ma’ruzachi. Xulio Melara ushbu kitobni yozishni boshlaganida 29 yoshda edi, lekin uning o’zi ta’kidlashicha, yoshlik muvaffaqiyat uchun to’siq emas. Kitobdagi asosiy tushuncha g’ayratdir. Muallif, ishtiyoqni saqlab qolish juda muhim deb hisoblaydi.

Ushbu kitobni o’qishga bo’lgan shijoatni izlang va atrofingizdagi dunyoda bu sizga qanchalik muhimligini bilib oling. Yuqorida keltirilgan kitoblar umumiy bilimlarni rivojlantirishga, dunyoqarashingizni kengaytirishga va oldinga siljishga yordam beradi.

XXI asr kapitali — Tom Piketti

Tom Piketti — fransuz iqtisodchisi, daromadlar tengsizligining sabablari va oqibatlarini o’rganish orqali shuhrat qozongan. Zamonaviy iqtisodiy jarayonlarni tushunish uchun iqtisodiyotning butun tarixini o’rganishning hojati yo’q. «XXI asrda kapitali» kitobi amaliy darslik bo’lib, atrofimizdagi dunyoda iqtisodiyotni o’zgartirishga tayyor bo’lganlar uchun mos keladi.

Kambag‘allikka olib boruvchi 7 yomon odat

Platon barga bordi — Tomas Kutkart va Dan Klein

Siz falsafiy ta’limotlarni sevadigan va tushunishga harakat qiladiganlardanmisiz? Unda Tomas Kutkart va Dan Kleinning kitoblarini o’qing. Bu siz topishingiz mumkin bo’lgan eng qiziqarli kitob. Ikkala savolga javob bering: faylasuflar nima qilishadi va qanday hazillar aytishadi? Javob bitta bo’ladi: odamlarning dunyo haqida fikrlarini o’zgartirish. Faqat hazillar buni kulgili qiladi. Klein va Kutkart falsafiy ta’limotlarni latifalar orqali ifodalashga qaror qildilar va amalda qo’lladilar.

Qo’lda ishlangan buyumlar — Kari Chapin

Kari Chapin kichik biznesni rivojlantirish bo’yicha maslahatlar beradi, anjuman va forumlarda tadbirkorlik bo’yicha nutq so’zlaydi.

«Qo’lda yasalgan buyumlar: ixtiro qiling va o’z biznesingizni boshlang» kitobi sizning sevimli mashg’ulotingiz orqali qanday qilib pul ishlashni o’rgatadi. Kari xobbini daromad keltiradigan biznesga aylantirish bilan bog’liq masalalarni ko’rib chiqadi.

U biznesni rejalashtirish, vaqtni boshqarish, mahsulotni taqsimlashdan tortib ishlab chiqarishni kengaytirish, moliyalashtirish va huquqiy muammolarni hal qilishgacha bo’lgan jarayonlarni ushbu kitobda yozadi.

Maqsadni qanday qilib samarali aniqlash mumkin?

Rivojlanayotgan iroda — Valter Mishel

Mishel — Kolumbiya universiteti professori, ijtimoiy va shaxs psixologiyasi mutaxassisi. Odamlar uni o’zini-o’zi boshqarish dohiysi deb atashadi. Mishel shirinlik turganida bolalar uni darhol yeyishi yoki ozgina muddat kutib 1 dona shirinlik o’rniga 2 ta shirinlikni tanlashi nazariyasini ishlab chiqqan. Ushbu tajriba kitobda tasvirlangan ko’plab tajribalardan biridir.

Unda siz nazariyalar tomonidan qo’llab-quvvatlangan o’zini-o’zi boshqarish bo’yicha maslahatlarni topasiz. O’z irodasi yoki o’zini o’zi tarbiyalash har qanday maqsad va vazifaga erishish uchun zaruriy omildir.

Busiz, siz ushbu yo’ldan o’ta olmaysiz. Muvaffaqiyatli odamlar o’zlarini qanday boshqarishni biladilar va mustahkam irodaga ega bo’ladilar. Kitob sizga maqsadlarga erishish uchun kerakli fazilatlarni rivojlantirishga yordam beradi.