Quyosh chiqqunga qadar uyqudan uyg‘onish uchun 6 sabab

Ertalab turishning xosiyati haqida ko‘p va xo‘p gapirilgan. Olimlar ham bu borada o‘z fikrlarini bildirishdi va sahar turish uchun 6 sababni ma’lum qilishdi.

Erta tursangiz vaqtingiz bemalol bo‘ladi

Agar kuningizni shahar hali uyg‘onmasdan boshlasangiz, o‘zingizni uyqudagi qirollikka tushib qolgandek his qilasiz. Hech qanday tirbandlik bo‘lmagan bo‘m-bo‘sh ko‘chalar va xiyobonlar, hech kim qo‘ng‘iroq qilib sizni bezovta qilmaydi. Butun olam uyquda va bu sizga o‘zingiz istagan ish bilan shug‘ullanish uchun qimmatli soatlarni taqdim etadi.

Ishlarni kechiktirish odatidan qanday qutulish mumkin?

Ertalab murakkab qarorlarni qabul qilish oson bo‘ladi

Psixologlarning ta’kidlashlaricha, iroda kuchi ham muskul kuchlari kabi tugaydigan miqdorda bo‘ladi. U kun davomida ozayib boradi va kun oxiriga kelib ertalabki qat’iyatdan asar qolmaydi. Shuning uchun biror og‘ir, yoqimsiz va charchatuvchi ishni bajarish lozim bo‘lsa, bunga ertalabda kirishing, chunki kechga borib bu ishni bajarmaslik uchun minglab bahonalar topasiz.

Kunduzi dam olishga imkoniyat paydo bo‘ladi

Agar erta tursangiz va ishlarni kunning birinchi yarmida bajarib olsangiz, kunduz kuni bir soat maza qilib dam olishingiz uchun imkoniyat paydo bo‘ladi. Barcha asosiy ishlarni bajarib bo‘lgan inson tushlikdan so‘ng ozgina pinakka ketsa buning yomon joyi yo‘q.

Ertalabki ko‘tarinkilik butun kunga tatiydi

Milliarderlardan muvaffaqiyatsizlik va qo‘rquvni yengish sirlari

Agarda bajarishingiz lozim bo‘lgan ishlarning hech bo‘lmasa bittasini erta tongda uddalay olsangiz, qolganlarini ham bajarishga ulgurasiz va kechga borib sizda bo‘sh vaqt paydo bo‘ladi. Ammo ishga kirishishni tushga yaqin boshlasangiz, u holda butun kuningiz tartibsiz va og‘ir o‘tadi. Mo‘ljallagan ishlaringizni bajarishga vaqt yetmay qolishi ham hech gapmas.

Ertalab zo‘riqish kam bo‘ladi

Aniqrog‘i, zo‘riqish umuman bo‘lmaydi. Bu vaqtdagi ruhiy holatingizni quyoshning ilk nurlari aks etayotgan suv yuzasiga o‘xshatish mumkin. Bunday kayfiyat bilan istagan ishingizga kirishishingiz mumkin.

Maqsadlar tezda amalga oshmasligining asosiy 10 sababi

Ertalab kamroq chalg‘iysiz

Ertalab turib Facebook sahifangizni tekshirasiz va bor-yo‘g‘i uchta yangilikni ko‘rasiz. Elektron pochtangizga birorta ham xat kelmagan. Yangiliklar saytlarida ham hali hech narsa chiqib ulgurmagan. Sahar tursangiz mana shunday chalg‘ituvchi narsalardan xoli bo‘lasiz.

Hozir boshqalar ushbu maqolani o‘qimoqda

1. Ishlarni kechiktirish odatidan qanday qutulish mumkin?
2. Milliarderlardan muvaffaqiyatsizlik va qo‘rquvni yengish sirlari
3. Maqsadlar tezda amalga oshmasligining asosiy 10 sababi
4. Maqsadni to’g’ri qo’yish hamda unga erishish usullari
5. Baxtli yashash siri hamda aniq tavsiya va maslahatlar
6. Tushkunlikdan qutulishga yordam beruvchi samarali 15 usul
7. Hamma narsani eslab qolishda eng samarali 6 usul
8. Baxtli insonlar qatorida bo‘lish uchun 12 tavsiya
9. Yolg’onni oshkor qilishga yordam beruvchi 7 belgi
10. Haqiqiy do‘stlikni qanday farqlash mumkin?