Oila haqida sara sherlar to‘plami

Oila haqida, eng sara sherlar to‘plami. Oila – muqaddas va qutlug‘ dargoh. Inson shu dargohda tug‘iladi va voyaga yetadi. Oilani jamiyatning kichik bir bo‘g‘iniga qiyoslash mumkin.

Baxtli oilamiz

Mening oilam,
Oyim va dadam,
Bor yana singlim,
So’ngisi o’zim.

Ertalab turib,
Salom beraman,
Mehrdan to’yib,
Quvnoq yuraman.

Dadam oyim biz uchun,
Sarflaydilar bor kuchun,
Doim bizlar birgamiz,
Biz ahil oilamiz.
_{Islomova Mukambar sheri}

Mening oilam

Biz katta oilamiz,
Inoq ahil hammamiz.
Yashaydi bobom buvim,
Men, ukam, dadam, oyim.

Bog’chaga eltar bobom,
Meni qo’limdan ushlab,
Ukamga qarar buvim,
Har kun uni allalab.

Oyim dadam ishga ketar,
Uy ishiga ham ulgurar,
Men ham ularga dasyor,
Biz yashaymiz baxtiyor.
_{Islomova Mukambar sheri}

Abdulla Qodiriy barcha sherlari

Oilam

Oila desam, biri tan,
Biri jondek ko‘rinar.
Mo’jazgina mustahkam,
Bir vatandek ko‘rinar.

Oila – otam,
Oila – onam,
Oila – ukam ko‘zlari.

Oila – singlim,
Oila – bobom,
Buvijonim so‘zlari.

Men ulardan o‘zimni
Tasavvur etmam ayro.
Oila – kichik Vatanim,
Men – jilg‘aman, u – daryo.

Oila – otam,
Oila – onam,
Oila – ukam ko‘zlari.

Oila – singlim,
Oila – bobom,
Buvijonim so‘zlari.
_{Zahro Hasanova sheʼri}

Ukam

Ukam juda aqlli,
Kitobimni yirtmaydi.
Bitta-bitta varoqlab,
Rasimini izlaydi.

Mitti ukajonimni,
Juda yaxshi ko’raman.
Qiziq kitoblarimni,
O’zim o’qib beraman.

Abdulla Qodiriy haqida sherlar to‘plami

Bor bobo buvim

Meni ismim Noila,
Bizlar katta oila,
Bor bobo buvim,
Ukam, dadam, oyim.

Erkasiman bobomni,
Danagiman buvimni,
Men baxtli bolaman,
Doim quvnab yuraman.

Buvijon

Kasal bo’lmang buvijon,
Bor bo’ling siz har qachon.
Uyimizni farishtasi,
Duogo’y sarishtasi.

Doim kulib yuringiz,
Dastyorman men sizga,
Sog’ salomat bo’lingiz,
Kiringiz siz yuzga.

Uyimiz farishtalari

Bobojonim bor mening,
Buvijonim bor mening,
Biri-biridan aziz,
Qo’sh jahonim bor mening,

Bobomiz oppoq dada,
Buvimiz — uy farishta.
Ular duosi bilan,
Mashg’ulmiz biz har ishda.

Ular ham sog’ bo’lishsin,
Qo’sha-qarib yurishsin.
Nabiralar baxtiga,
Uzoq umr ko’rishsin.

Bobo va Buvi haqida sherlar to‘plami

Oila haqida savol javob

Oila qanday dargoh?
Oila muqaddasdir.
Yashasak bizlar inoq,
Bu barchaga havasdir.

Xonadonda katta kim?
Kattalar buvim, bobom
Ota-onam ularga,
Ko’rsatarlar ehtirom.

Ota-ona qanday zot?
Ota-ona mo’tabar.
Kamol topsin bolam deb,
Mehnat qilar shom-sahar.

Aka-uka, singil kim?
Ularmi? Ular qondosh.
Hamjihatlik hamisha,
Qondoshlarga chin yo’ldosh.