Mukofot ertagi bolalar uchun

Bir bor ekan, bir yo‘q ekan, kattakon o‘rmonda qayrag‘ochlar ostida bir maktab bor ekan. Unda Moshvoy ismli mushukcha, Qag‘-qag‘ ismli qarg‘acha, Dik-dik ismli quyoncha, ismi Chiy-chiy sichqoncha, Pi-pi ismli maymuncha, Xir-xir ismli cho‘chqacha va boshqalar o‘qishar ekan.

O‘qish boshlangan kuni Tovusxon ismli juda xushfe’l, muloyim bir o‘qituvchi ularga kitob va daftarlar ulashibdi.

Mukofot ertagi

— Kitoblaringizni yirtmasdan, yaxshi saqlanglar. Bu kitoblarni sizdan keyin ukalaringiz ham o‘qishadi,

— debdi va ta’kidlab yana qo‘shib qo‘yibdi: — Kimki kitobini yaxshi saqlasa, o‘quv yili oxirida o‘shanga mukofot ham beramiz.

Ular kitob va daftarlarni sevinib-sevinib olib ketishibdi. Oradan ko‘p o‘tmabdi. Bir kuni Chiy-chiy Pi-piga maqtanib:

Eng katta sehr ertagi bolalar uchun

Muqovasini yeb ko‘rsam, biram mazaliki, — debdi kitobini ko‘rsatib.

Pi-pi ham shunaqamikan-a, deb kitobning muqovasini qiyma-qiyma qilibdi.

Ularni kuzatib turgan Xir-xir ham maqtanib qolibdi:

Kitobda piyoz, sholg‘om, kartoshka surati bor ekan, hammasini yedim.

Pi-pi ham qiziqib ketib, kitobdagi jami suratlarni yeb chiqibdi.

Qag‘-qag‘ ham bo‘sh kelmabdi. Olcha, gilos, olma, yong‘oq rasmlarini cho‘qib, kitobni ilma-teshik qilib tashlabdi.

Quyonchaning uychasi ertagi bolalar uchun

O‘quv yili tugashi bilanoq Tovusxon o‘quvchilardan kitoblarni birma-bir yig‘ib olibdi. U Chiy-chiy bilan Pi-pidan ham, Xir-xir bilan Qag‘-qag‘dan ham juda-juda xafa bo‘libdi.

Ammo Moshvoy bilan Dik-dikdan xursand bo‘libdi. Chunki ular kitoblarini yirtmay, kir qilmay, ozoda saqlagan, yaxshi tutishgan ekan.

Tovusxon Dik-dikka bitta sabzi, Moshvoyga esa issiqqina bo‘g‘irsoq mukofot beribdi va suratlarini namunalilar qatoriga ilib qo‘yibdi.

  1. Dilshoda:

    Bolajonlar uchun judayam zo’r ertak ekan. Bolalarimga o’qib eshittirdim.

Fikringizni bildiring

Ваш адрес email не будет опубликован.