Chol bilan Bo‘ri ertagi bolalar uchun

Bir bor ekan, bir yo‘q ekan, bir bo‘ri bor ekan. Bo‘ri qo‘ylarga hujum qilaverib, cho‘ponlarning joniga tegibdi. Ular ovchiga arz qilibdilar.

Ovchi bo‘ri izidan tushib o‘rmonga kiripti. Bo‘ri qo‘rqib o‘rmondan qochib chiqibdi. Ovchi uni tirqiratib quvipti.

Chol bilan Bo‘ri ertak

Quvaveripti, quvaveripti, bo‘rining tinkasi quribdi. Bo‘ri oxiri qochadigan joy topolmay qolipti. Shu vaqt to‘satdan qop ko‘targan bir chol uchrab qolipti.

Kampir va Bo‘ri: jahon xalq ertagi

— Assalomu alaykum, chol bobo, — depti bo‘ri.

— Menga rahmingiz kelsin, ovchining qo‘lidan qutqaring. U meni otib tashlaydi. Yosh jonimga rahm qiling.

Uning ko‘z yoshini ko‘rib, cholning rahmi kelipti.

— Kel, qopga kir, — debdi chol.

qopga kir debdi chol

Bo‘ri qopga kiribdi. Chol qopni orqalab ketaveribdi. Chol oldidan ovchi chiqibdi.

— Bobo, shu yerdan bo‘ri o‘tmadimi? Ko‘rmadingizmi? — deb so‘rabdi ovchi.

— Yo‘q, ko‘rmadim, — debdi chol.

Ovchi oshiqib chopganicha nari ketibdi.

— Qopdan chiq, qutulding, debdi chol bo‘riga. Bo‘ri qopdan chiqibdi.

— Endi ortingga qayt, o‘rmonga ketaver, — debdi chol.

— Nimaga, debdi bo‘ri. — Men ochman, seni yeyman.

— Voy noinsof. Men seni o‘limdan qutqazib qolib, yaxshilik qilsam-u, sen meni yeysanmi?

Qizil shapkacha (qalpoqcha) sevimli ertak

bo‘ri tulkiga yuzlanipti

— Ha, ishim yomonlik, — debdi bo‘ri. Ular janjallashib turgan ekanlar, birdan tulki kelib qolibdi.

— Ha, nima gap? — deb so‘rabdi tulki.

— Yaxshilikka bo‘ridan yomonlik qaytayapti, — deb ko‘z yoshi qilibdi chol. Bo‘ri voqeani aytib beribdi.

Tulki debdi:

— Gapingga ishonmayman, bo‘ri. Nahotki bo‘ri shu kichkina qopga sig‘sa…

— Ha, sig‘aman, — debdi bo‘ri.

cholni yesang mayli

— Bo‘lmasa qopga kirib ko‘r-chi, men o‘z ko‘zim bilan ko‘rib ishonay. Keyin cholni yesang, mayli, haqqing bor, — debdi u.

Bo‘ri darrov qopga kiribdi.

Dehqon bilan Jin: o‘zbek xalq ertagi

— Qopning og‘zini bog‘lang, bobo, — debdi tulki.

Chol darrov qopning og‘zini bog‘labdi.

Bo‘ri endi ming yalinsa ham, chol uni qopdan chiqarmabdi.

  1. Sevara:

    Juda zo‘r lekin kam ekanda

  2. Анвар:

    Олаларимга йокди, улар дарров хикояни мухокама кила бошладилар

  3. Laziza:

    Ajoyib ertak qoyil. Bolalarim mazza qilib tinglashdi.

  4. Madina:

    Juda yaxwi qiziqarli ertak.

  5. Faxriya:

    Zo’r ertaklar, man xar kuni qizimga o’qib beraman.

Fikringizni bildiring

Ваш адрес email не будет опубликован.