Ishonish qiyin bo‘lgan ajabtovur tabiat mo‘jizalari

Atrofimizda kishi ongini hayratda qoldiradigan juda ko‘p g‘aroyib hodisalar bor, bu albatta sayyoramizning son-sanoqsiz sirlarga boyligining dalolatidir. Bugun sizni tanishtirmoqchi bo‘lgan tabiat mo‘jizalarini ko‘rib, hatto ashaddiy skeptiklar ham mo‘jizalarga ishonishni boshlasa ajabmas.

Mangu olov sharsharasi — AQSh

AQSH'dagi mangu olov sharsharasi

Bu g‘ayrioddiy sharshara Nyu-Yorkda joylashgan. Suv oqimi orqasida yashiringan g‘or ichida deyarli to‘xtovsiz alanga yonib turadi. Bu hodisani ma’lum bir sharoitlarda alangalanadigan tabiiy gaz bug‘lari bilan bog‘lashadi.

Amerikalik hindularda o‘chgan alangani jonlantirgan kishi butun hayoti davomida Xudoning marhamatiga sazovor bo‘ladi, degan e’tiqod bor.

Tarixda eng taniqli bo‘lgan 5 xaker

Magnitli tepalik — Hindiston

Ishonish qiyin bo'lgan tabiat mo'jizalari

Yuqorida surati aks etgan tepalikning etak qismiga mashinada kelgan kishi uni neytral holatga o‘tkazib qo‘ysa bas, ko‘tarilish juda tik bo‘lishiga qaramay, mashinaning o‘zi tepaga qarab harakatlana boshlaydi.

Odamlar bu sirni tepalik atrofidagi g‘ayrioddiy tortishish maydoni bilan tushuntirishga harakat qilmoqda. Biroq hech kim bu hodisaning sababini aniqlay olmagan.

G‘ordagi musiqa — Chexiya

G‘ordagi musiqa - Chexiya

Afsonalar g‘orlardagi aylanma chalkash yo‘llar tubidan chiqadigan organ (musiqiy asbob)ning tiniq tovushlari haqida gapiradi. 1996 yilda olimlar bu joyni topishdi va 9 metr chuqurlikdagi yer ostida bunday o‘lchamdagi asbobni sig‘dira oladigan birorta xona yo‘qligiga amin bo‘lishdi.

Kelajak texnologiyalari haqida bashorat qilgan eski kitoblar

Psixologlar ommaviy gallyusinatsiyalar nazariyasini sinab ko‘rish niyatida ushbu hodisa guvohlari bilan ishladilar. Hamma birdek ushbu katakombalardagi “yorqin yo‘lak” haqida gapirardi. Tuproq namunalari bu joydagi bunday ko‘rinishlarga olib kelishi mumkin bo‘lgan fosfor izlari yo‘qligini ko‘rsatdi.

Bir qarashda koridor juda oddiy, ammo tez orada qizg‘ish-to‘q sariq rangda nur socha boshlaydi. Unda sal uzoqroq vaqt qolgan kishi esa “musiqa” eshita boshlaydi.

Tosh o‘rmon — Xitoy

Xitoydagi tosh o‘rmon

Ehtimol, bu qadimiy mamlakatdagi eng g‘ayrioddiy maskandir. Qurib qolgan dengiz o‘rniga ohaktosh konlaridan hosil bo‘lgan tosh o‘rmon 200 million yil oldin paydo bo‘lgan. Yer qobig‘ining tektonik siljishi esa bu ajoyib tosh konstruksiyalarini hosil qilgan.

Tosh o‘rmonning asosiy diqqatga sazovor joyi Sifen g‘oridir. Har yili avgustdan noyabrgacha yer osti daryosi har 30 daqiqada g‘or ichida bir necha vaqt davom etib, tezda tarqab ketadigan shiddatli girdobni hosil qiladi.

O‘limidan so‘ng o‘g‘irlab ketilgan mashhur insonlar

Rang-barang daryo — Kolumbiya

Yilning ko‘p qismida Kano-Kristales daryosi oddiy ko‘rinishga ega, lekin yozda u rangli suratli gilamga aylanadi-qoladi. Bunday g‘ayrioddiy hodisa daryoni qizil, ko‘k, yashil va sariq ranglarda bezab turgan noyob turli suv o‘tlarining gullashi tufayli sodir bo‘lishi mumkin.

Mahalliy afsonalar sharsharalar tizmasi ostida La Mojjanna (Suv onasi)ning xazinasi yotishi to‘g‘risida so‘zlaydi.

Fikringizni bildiring

Mavzuga doir fikringizni batafsil yozib qoldiring! Обязательные поля помечены *